Virat Kohli | किंग कोहलीचा ‘विराट’ कारनामा, 49 व्या शतकासह 5 रेकॉर्ड्स
Virat Kohli Record | विराट कोहली याने 49 व्या एकदिवसीय शतकासह सचिन तेंडुलकर आणि इतर दिग्गजांना एका झटक्यात मागे टाकलंय. विराटने केलेले 5 रेकॉर्ड्स कोणते? जाणून घ्या.
विराट कोहली याने दक्षिण आफ्रिका विरुद्ध शतक ठोकलं. विराटने या शतकासह सचिनच्या 49 वनडे सेंच्युरीच्या रेकॉर्डची बरोबरी केली. विराटने या दरम्यान 5 रेकॉर्ड्स केले.
विराटने सचिनच्या तुलनेत 174 डावांआधी 49 व्या वनडे शतकाची बरोबरी केली. सचिनने 452 व्या डावात 49 वं शतक केलेलं. तर विराटने 277 व्या डावात 49 वं शतक केलंय.
विराट लिमिटेड ओव्हर्समध्ये सर्वाधिक शतकं करणारा फलंदाज ठरलाय. विराटच्या नावावर वनडेत 49 आणि टी 20 मध्ये 1 मिळून एकूण 50 शतकं आहेत.
विराट कोहलीने बॅटिंग करताना हाशिम अमला याच्या सर्वाधिक शतकांचा रेकॉर्ड ब्रेक केलाय. विराटच्या नावावर पहिले बॅटिंग करताना 22 शतकं आहेत. तर दक्षिण आफ्रिकाचा माजी फलंदाज हाशिम अमला याच्या नावावर 21 शतकं आहेत.
विराट वर्ल्ड कपमध्ये सर्वाधिक धावा करणारा चौथा फलंदाज ठरलाय. विराटने 1 हजार 500 धावांचा टप्पा पार केलाय. या यादीत सचिन तेंडुलकर (2278) अव्वल स्थानी आहे.
तसेच विराट वाढदिवशी शतक करणारा एकूण सातवा आणि तिसरा भारतीय ठरलाय. या यादीत विनोद कांबळी, सचिन तेंडुलकर, सनथ जयसूर्या, रॉस टेलर, टॉम लॅथम आणि मिचेल मार्श यांचा समावेश आहे.
