पाकची धाडसी ऑफिसर, कोण आहेत सहाय अझीज?

पाकिस्तानची आर्थिक राजधानी असलेल्या कराचीमध्ये चीनच्या दूतावासाजवळ दहशतवादी हल्ला झाला. या हल्ल्यातील तीन दहशतवाद्यांना ठार करण्यात सुरक्षा रक्षकांना यश आलं आहे. दहशवाद्यांचा हल्ला परतवून लावण्याचं काम पाकिस्तानच्या जिगरबाज महिला अधिकाऱ्याने केलं. सध्या पाकिस्तानसह जगभरातून या महिला अधिकाऱ्यावर कौतुकाचा वर्षाव होत आहे. एसएसपी सुहाय अझीज तलपूर असं या महिला अधिकाऱ्याचं नाव आहे. एसएसपी सुहाय अझीज यांनी […]

पाकची धाडसी ऑफिसर, कोण आहेत सहाय अझीज?
"माझ्या नातेवाईकांनी माझ्याशी सर्व संबंध तोडले. माझ्या मुलीने शिकावं अशी माझी इच्छा होती, मात्र तिने केवळ धार्मिक शिक्षण घ्यावं अशी नातेवाईकांची इच्छा होती. पण मी त्यांचं ऐकलं नाही. माझ्या मुलीला दर्जेदार शिक्षण दिलं", असं सहाय अझीज यांच्या वडिलांनी सांगितलं.
Sachin Patil | सचिन पाटील | Updated on: Jul 05, 2019 | 5:00 PM
पाकिस्तानची आर्थिक राजधानी असलेल्या कराचीमध्ये चीनच्या दूतावासाजवळ दहशतवादी हल्ला झाला. या हल्ल्यातील तीन दहशतवाद्यांना ठार करण्यात सुरक्षा रक्षकांना यश आलं आहे. दहशवाद्यांचा हल्ला परतवून लावण्याचं काम पाकिस्तानच्या जिगरबाज महिला अधिकाऱ्याने केलं. सध्या पाकिस्तानसह जगभरातून या महिला अधिकाऱ्यावर कौतुकाचा वर्षाव होत आहे. एसएसपी सुहाय अझीज तलपूर असं या महिला अधिकाऱ्याचं नाव आहे.
एसएसपी सुहाय अझीज यांनी स्वत: बंदूक हातात घेऊन दहशतवाद्यांशी दोन हात केले. दहशतवाद्यांसोबतच्या चककमीत सुहाय अझीज यांनी स्वत: त्यांच्या टीमचं नेतृत्त्व करुन दहशतवाद्यांना उत्तर दिलं. हल्ल्यानंतर चीनच्या दूतावासाजवळ सर्वात आधी पोहोचणाऱ्या सुहाय अझीज एकमेव होत्या. सुहाय अझीज यांनी दाखवलेलं धाडस आणि त्यांच्या धैर्याचं सर्वत्र कौतुक होत आहे.
सुहाय अझीज यांनी या हल्ल्यादरम्यान दाखवलेली चालाखी वाखाणण्याजोगी होती. हल्ल्यानंतर दहशतवादी चीनच्या दूतावासात घुसण्याचा प्रयत्न करत होते. मात्र सुहाय अझीज यांनी दहशतवाद्यांच्या दिशेने गोळीबार करत त्यांना गुंतवून ठेवलं. त्यांच्या या कृतीमुळे दहशतवाद्यांना दूतावासात घुसता आलं नाही.
जर हे दहशतवादी दूतावासात घुसले असते आणि त्यांनी अधिकाऱ्यांना इजा पोहोचवली असती, तर पाकिस्तानची जगभरात आणखी छी थू झाली असती. मात्र सुहाय अझीज यांनी केवळ कराचीचीच नव्हे कर संपूर्ण पाकिस्तानची लाज राखली.
सहाय अझीज या मध्यमवर्गीय कुटुंबातील आहेत. त्यांचं कुटुंब तांडो मुहम्मद खान जिल्ह्यातील भाई खान तलपूर गावात राहतं. त्यांच्या गावात मुलींचं शिक्षण म्हणजे डोंगर पार करण्यासारखं होतं.
“जेव्हा माझ्या कुटुंबीयांनी माझं नाव शाळेत घातलं, तेव्हा नातेवाईकांनी माझ्या कुटुंबीयांना टोमणे मारणं सुरु केलं. त्या टोमण्यांना वैतागून आम्ही गाव सोडलं आणि जवळच्या शहरात स्थायिक झालो” असं सहाय अझीज यांनी सांगितलं.
सहाय अझीज यांचे वडील एक लेखक आणि राजकीय कार्यकर्ते आहेत. आपल्या लेकीने मोठं व्हावं, नाव कमवावं असं त्यांचं स्वप्न होतं.
“माझ्या नातेवाईकांनी माझ्याशी सर्व संबंध तोडले. माझ्या मुलीने शिकावं अशी माझी इच्छा होती, मात्र तिने केवळ धार्मिक शिक्षण घ्यावं अशी नातेवाईकांची इच्छा होती. पण मी त्यांचं ऐकलं नाही. माझ्या मुलीला दर्जेदार शिक्षण दिलं”, असं सहाय अझीज यांच्या वडिलांनी सांगितलं.
Loading...
Unable to load recommendations.
Follow Us
LIVETV