एक किंवा दोन नव्हे तब्बल 13 तासांची परीक्षा, जेवणालाही ब्रेक मिळत नाही
Longest Exam : UPSC ही भारतातील सर्वात अवघड परीक्षा मानली जाते. मात्र जगात अशी एक परीक्षा आहे जी अवघड आणि खूप वेळ चालते. भारतातील परीक्षा ही जास्तीत जास्त 3 तासांची असते मात्र एक परीक्षा अशी आहे जी 13 तास चालते. याबाबत माहिती जाणून घेऊयात.
आज आपण जगातील सर्वात लांब परीक्षेची माहिती जाणून घेणार आहोत. ही परीक्षा सलग 13 तास चालते, ज्यामध्ये विद्यार्थ्यांना दुपारचे जेवण किंवा रात्रीच्या जेवणासाठी ब्रेक नसतो. या परीक्षेला सर्वात कठीण परीक्षा म्हटले जाते.
दक्षिण कोरियामधील विद्यापीठांमध्ये शिक्षण घेण्यासाठी एन्ट्रन्स एक्झाम द्यावी लागते, ही परीक्षा 13 तासांची असते. या परीक्षेला कॉलेज स्कॉलॅस्टिक अॅबिलिटी टेस्ट किंवा सुनेउंग असेही म्हणतात.
सुनेउंग ही परीक्षा वर्षातून एकदाच नोव्हेंबरमध्ये घेतली जाते. या परीक्षेच्या दिवशी संपूर्ण देशात खबरदारी घेतली जाते. वाहतूक पोलीस रस्त्यावर मदतीसाठी तयार असतात.
या परीक्षेत एकूण 200 प्रश्न विचारले जातात. यासाठी विद्यार्थ्यांना 8 तास दिले जातात. ही परीक्षा सकाळी 8:40 वाजता सुरू होते आणि सायंकाळी 5:40 वाजता संपते. अपंग व्यक्तींना या परीक्षेसाठी 12 तासांचा वेळ दिला जातो. तसेच ज्या विद्यार्थ्यांनी अतिरिक्त विषय घेतला आहे, त्यांना 13 तासांचा वेळ दिला जातो.
सुनेउंग परीक्षेत उत्तीर्ण झालेल्या विद्यार्थ्यांना विद्यापीठात प्रवेश मिळतो. तसेच त्यांना शिक्षणादरम्यान शिष्यवृत्ती आणि शिक्षण पूर्ण झाल्यानंतर सहज नोकरीतही प्रवेश मिळतो. त्यामुळे दरवर्षी अनेक विद्यार्थी ही परीक्षा देतात.
