‘ती सध्या काय करते’मधील छोट्या तन्वीची अवस्था पाहून चाहते चिंतेत; झालंय तरी काय?
'ती सध्या काय करते' या चित्रपटात बालपणातील तन्वी साकारलेली बालकलाकार तुम्हाला आठवतेय का? अभिनेत्री निर्मोही अग्निहोत्रीने ही भूमिका साकारली होती. तिचा बदललेला लूक पाहून चाहते चिंतेत पडले आहेत.
2017 मध्ये सतीश राजवाडे दिग्दर्शित 'ती सध्या काय करते' हा चित्रपट थिएटरमध्ये प्रदर्शित झाला होता. या चित्रपटाने त्यावेळी प्रेक्षक-समिक्षकांची मनं जिंकली होती. अंकुश चौधरी, तेजश्री प्रधान, उर्मिला कोठारे, अभिनय बेर्डे, आर्या आंबेकर, सुकन्या मोने अशी तगडी स्टारकास्ट या चित्रपटात पहायला मिळाली.
या चित्रपटात तन्वी ही भूमिका तीन विविध टप्प्यांमध्ये दाखवण्यात आली होती. त्यात बालपणीची भूमिका बालकलाकार निर्मोही अग्निहोत्री, किशोरवयीन भूमिका आर्या आंबेकरने आणि तरुणपणातील भूमिका तेजश्री प्रधानने साकारली होती.
त्यापैकी निर्मोही अग्निहोत्री ही नाट्य कलावंत सारिक अग्निहोत्री यांची कन्या आहे. निर्मोही या चित्रपटानंतर फारशी कुठे दिसली नाही. काही दिवसांपूर्वी तिने सोशल मीडियावर तिचे काही व्हिडीओ पोस्ट केले. यामध्ये तिचा लूक पाहून चाहते चिंतेत पडले आहेत.
निर्मोहीला नृत्याची फार आवड असून तिने कथ्थक नृत्याचे व्हिडीओ पोस्ट केले आहेत. पण त्यातील निर्मोहीचा लूक पाहून अनेकांना धक्का बसला आहे. निर्मोहीने तिच्या डोक्यावरचे केस पूर्णपणे कापले आहेत. त्यामुळे तिच्या तब्येतीचं काही कारण आहे का, अशी चिंता नेटकऱ्यांना जाणवतेय.
याबाबत काहींनी तिला कमेंट बॉक्समध्ये प्रश्नसुद्धा विचारला आहे. निर्मोहीचा इतका बदललेला लूक अनेकांच्या काळजीचा विषय ठरला आहे. याबाबत अद्याप तिने कोणतीच प्रतिक्रिया दिली नाही.
