Sayani Ghosh Networth : वयाच्या 17 व्या वर्षी हिरॉइन, मग खासदार, ‘मेरे दिल में है काबा’ फेम सयानी घोषकडे एकूण किती संपत्ती
Sayani Ghosh Networth : पश्चिम बंगालच्या मुख्यमंत्री ममता बॅनर्जी यांच्या अडचणी कमी होण्याचं नाव घेत नाहीयत. तृणमुल काँग्रेसमध्ये मोठी फूट पडली आहे. ममता बॅनर्जी यांच्या TMC साठी खास 'मेरे दिल में है काबा और आंखों में मदीनाट' गाणं गाणाऱ्या सयानी घोष यांनी सुद्धा बंडखोरी केली आहे.
सयानी घोष यांनी वयाच्या 17 व्या वर्षी 2010 साली टेलीफिल्म 'इच्छे दाना' मधून बंगाली इंडस्ट्रीमध्ये पाऊल ठेवलं. त्यानंतर एक प्रसिद्ध अभिनेत्री आणि गायिका म्हणून तिने स्वत:ची स्वतंत्र ओळख बनवली. पुढे जाऊन त्या तृणमुल काँग्रेसच्या खासदार बनल्या.
सयानी घोष यांचं 12 वी पर्यंत शिक्षण झालं आहे. वर्ष 2021 मध्ये सयानी यांनी तृणमुल काँग्रेसमध्ये प्रवेश केला. टीएमसीने त्यांना आसनसोल विधानसभा क्षेत्रातून उमेदवारी दिली. पण तिथे सयानीला पराभवाचा सामना करावा लागला.
सयानी घोष 2023 साली टीएमसी यूथ विंगच्या अध्यक्ष बनल्या. 2024 साली तृणमुलच्या तिकिटावर जाधवपूरमधून खासदार बनल्या. मायनेता डॉट कॉम सादर केलेल्या निवडणूक प्रतिज्ञापत्रानुसार सयानी घोष यांची एकूण संपत्ती 91.89 लाख रुपये आहे. 59 लाखाचं कर्ज आहे.
2024 साली लोकसभा निवडणुकीवेळी निवडणूक आयोगाला सादर केलेल्या प्रतिज्ञापत्रात सयानी घोष यांनी आपल्या संपत्तीचा खुलासा केला होता. त्यांनी दिलेल्या माहितीनुसार 35 हजार रुपये कॅश, HDFC Bank, UCO Bank, रेकरिंग डिपॉजिटमध्ये 10.25 लाख रुपये आहेत.
सयानी घोष यांच्याकडे चार लाइफ इंश्योरेंस पॉलिसीज आहेत. त्यांची किंमत 11.03 लाख रुपये आहे. दोन LIC Life Insurance Policy आहेत. त्याशिवाय 8 ग्रॅम सोन आहे. त्यांच्या नावावर एक होंडा जॅज कार आहे. त्याची किंमत 6 लाख रुपये दाखवण्यात आली आहे. एकूण चल संपत्ती 29 लाख रुपये आहे.
