‘तुला शिकवीन चांगलाच धडा’मध्ये रंजक ट्विस्ट; अक्षराकडून अधिपतीला रोमँटिक गिफ्ट
अक्षराकडून अधिपतीला वाढदिवसाचं एक खास गिफ्ट मिळणार आहे. आता हे खास गिफ्ट काय आहे? अधिपती अक्षरा एकमेकांजवळ येऊ शकतील का हे प्रेक्षकांना मालिकेच्या आगामी भागात पहायला मिळेल. 'तुला शिकवीन चांगलाच धडा' ही मालिका दररोज रात्री 8 वाजता झी मराठी वाहिनीवर प्रसारित होते.
झी मराठी वाहिनीवरील 'तुला शिकवीन चांगलाच धडा' या मालिकेचं कथानक अत्यंत रंजक वळणावर येऊन पोहोचलं आहे. या मालिकेत सध्या अधिपतीचा वाढदिवस साजरा होतोय. अक्षरा अत्यंत प्रेमाने त्याला शर्ट गीफ्ट देते आणि त्याला औक्षण करते.
दुसरीकडे भुवनेश्वरीने अधिपतीला ओवाळण्यासाठी सगळी तयारी केली आहे. तिनेसुद्धा अधिपतीसाठी गिफ्ट आणलंय. अधिपती भुवनेश्वरीचा आशीर्वाद घ्यायला येतो तेव्हा भुवनेश्वरी त्याला बघून चिडते.
आपल्या आधी अक्षराने त्याला ओवाळलं आणि अधिपतीने अक्षराने दिलेला शर्ट घातला हे बघून तिने आणलेल्या गिफ्टला आग लावते. भुवनेश्वरी रडायचं नाटक करते. अखेर अधिपती अक्षराने दिलेला शर्ट काढतो.
चारुहास अक्षराला येऊन सांगतो की भुवनेश्वरी तुमचा संसार कधीच सुखाने होऊ देणार नाही. त्यामुळे तुम्ही दोघं चार ते पाच दिवस कुठेतरी बाहेर जाऊन या. त्याचवेळेस तुझ्या मनातलं प्रेम त्याच्याकडे व्यक्त कर, असाही सल्ला तो देतो.
वाढदिवसाच्या निमिताने शाळेत वृक्षारोपण करताना अधिपतीच्या पायाला कुदळ लागून दुखापत होते. घरी वाढदिवसाची जंगी तयारी करणारी भुवनेश्वरी यामुळे संतापते. घराबाहेर पडायचं नाही हे सांगितलं असतानासुद्धा अक्षरा अधिपतीला बाहेर घेऊन जाते, याचा भुवनेश्वरीला राग येतो. अधिपतीच्या दुखापतीचं खापर भुवनेश्वीर अक्षरावर फोडते.
