रम, व्होडका, बिअरमध्ये नेमका फरक काय? चव वेगवेगळी का लगते? जाणून घ्या
रम प्रामुख्याने ऊस किंवा मोलॅसिसपासून फर्मेंटेशन आणि डिस्टिलेशन करून तयार केली जाते. बीअर तयार करताना माल्टेड बार्लीसारखी धान्ये फर्मेंट करून त्यात हॉप्सचा वापर केला जातो.
अनेकजण वेगवेगळे मद्य पितात. काही लोकांना रम आवडते. तर काही लोक बिअर, व्होडका पितात. परंतु हे तिन्ही मद्याचे प्रकार असले तरीही त्यांची चव वेगळी असते. या तिन्ही मद्यात काय फरक असतो, ते जाणून घेऊ या...
रम प्रामुख्याने ऊस किंवा मोलॅसिसपासून फर्मेंटेशन आणि डिस्टिलेशन करून तयार केली जाते. बीअर तयार करताना माल्टेड बार्लीसारखी धान्ये फर्मेंट करून त्यात हॉप्सचा वापर केला जातो. व्होडका धान्य, बटाटे किंवा इतर स्रोतांपासून तयार करून अनेकदा अधिक शुद्ध केला जातो.
रम आणि व्होडकामध्ये साधारणपणे अल्कोहोलचे प्रमाण बीअरपेक्षा बरेच जास्त असते. बीअरमध्ये सामान्यतः अल्कोहोलचे प्रमाण तुलनेने कमी असते. मात्र प्रत्येक ब्रँड आणि प्रकारानुसार ABV म्हणजे अल्कोहोलचे प्रमाण बदलू शकते.
रममध्ये ऊस किंवा मोलॅसिसमधून आलेली गोडसर चव जाणवू शकते. बीअरमध्ये माल्ट, हॉप्स आणि फर्मेंटेशनमुळे कडवटपणा येतो. तर व्होडकाची चव इतर दोन पेयांच्या तुलनेत कमी कडू असते.
(टीप- मद्यपान आरोग्यास हानिकारक असते. या स्टोरीतून मद्यपानास प्रोत्साहन देण्यात आलेले नाही. मद्यपानाची सवय लागल्यास डॉक्टरांशी संपर्क साधावा.)
