Xiaomi SU7: भारतात टेस्लापूर्वी लाँच होणार शाओमीची इलेक्ट्रीक कार! चार्ज केली 800 किमी अंतर धावणार
सध्या जगभरात इलेक्ट्रीक कारचा बोलबाला आहे. त्यामुळे अनेक कंपन्यांनी इलेक्ट्रीक कार सेक्टरमध्ये हात आजमावण्यास सुरुवात केली आहे. मोबाईल तयार करणाऱ्या शाओमी कंपनीने इलेक्ट्रीक कार तयार केली आहे. ही कार एकदा चार्ज केली की 800 किमी अंतर कापेल.
जगभरात शाओमीच्या स्मार्टफोनचा बोलबाला आहे. स्वस्त आणि चांगल्या फिचर्समुळे पसंती मिळत आहे. असं असताना ही कंपनी आता इलेक्ट्रिक कार तयार करण्यासाठी पुढे सरसावली आहे. पहिली इलेक्ट्रिक कार Xiaomi SU7 लाँच करणार आहे. भारतात ही कार याच वर्षी लाँच केली जाणार असल्याची चर्चा आहे. (Xiaomi)
शाओमीच्या या गाडीची स्पर्धा टेस्लाशी असणार आहे. भारतात टेस्ला गाड्यांना अजूनही हिरवा कंदील मिळालेला नाही. भारतात मॅन्युफॅक्च्युरिंग करावं अशी सरकारची विनंती आहे. पण यावर अजूनही तोडगा निघालेला नाही. दरम्यान भारतात एसयु7 गाडी लाँच करण्याची तयारी शाओमीने केली आहे. (Xiaomi)
शाओमी SU7 ही कार NFC कार्ड म्हणजेच चावी रहित असणार आहे. यात 7.1 इंच फ्लिप-अप इन्स्ट्रुमेंट क्लस्टर, इलेक्ट्रिकली ॲडजस्टेबल फ्रंट सीट, 16.1 इंच टचस्क्रीन इन्फोटेनमेंट सिस्टीम यांसारखी अप्रतिम फिचर्स आहेत. (Xiaomi)
शाओमी SU7 इलेक्ट्रिक कार ADAS ने सुसज्ज असेल. LIDAR आणि 11 हाय डेफिनिशन कॅमेरे आहेत. ही कार ADAS लेव्हल 2 ने चालवू शकता. त्याचे SU7 Max मॉडेल भारतात सादर केले गेले आहे.(Xiaomi)
चीनमध्ये या गाडीची किंमत अंदाजे 25.4 लाख ते 35.3 लाख रुपये आहे. ही कार 2.78 सेकंदात 0 ते 100 किमी/ताशी वेग पकडू शकते. 101kWh NMC बॅटरी पॅक 800 किमीची रेंज देते. सध्यातरी चीनमध्ये ही गाडी लाँच होईल. इतर देशांबाबत अजूनही घोषणा केलेली नाही. (Xiaomi)
