शिवसेनेला धक्का, पाच नगरसेवकांचा अजित पवारांच्या उपस्थितीत राष्ट्रवादीत प्रवेश
पारनेरचे आमदार नीलेश लंके यांच्या नेतृत्वात आणि राज्याचे उपमुख्यमंत्री अजित पवार यांच्या उपस्थितीत या नगरसेवकांनी राष्ट्रवादीत प्रवेश केला.
बारामती : अहमदनगर जिल्ह्यातील पारनेर नगरपंचायतमध्ये शिवसेनेला (5 Shivsena Corporators Join NCP) धक्का बसला आहे. पारनेरच्या शिवसेनेच्या पाच नगरसेवकांनी राष्ट्रवादी काँग्रेसमध्ये प्रवेश केला. राज्याचे उपमुख्यमंत्री अजित पवार (Deputy CM Ajit Pawar ) यांच्या उपस्थितीत या नगरसेवकांनी राष्ट्रवादीत प्रवेश केला. यावेळी पारनेरचे आमदार नीलेश लंके हे देखील उपस्थित होते (5 Shivsena Corporators Join NCP).
पारनेरचे आमदार नीलेश लंके यांच्या नेतृत्वात नगरसेवक डॉ. मुद्दस्सीर सय्यद, नंदकुमार देशमुख, किसन गंधाडे, वैशाली औटी, नंदा देशमाने यांनी राष्ट्रवादीत प्रवेश केला.
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज, दररोज टीव्ही 9 मराठीवर!
आमदार नीलेश लंके यांची बुलेट राईड
आमदार नीलेश लंके यांनी आज बारामतीतील व्हीआयआयटीमध्ये उपमुख्यमंत्री अजित पवार यांची भेट घेतली. त्यानंतर येथील विद्या प्रतिष्ठानच्या विश्रामगृहात त्यांनी बारामतीतील राष्ट्रवादीच्या कार्यकर्त्यांशी संवाद साधला. यावेळी राष्ट्रवादी विद्यार्थी काँग्रेसचे प्रदेश पदाधिकारी मोहसीन पठाण यांनी नवीन बुलेट घेतल्याचे समजल्यानंतर नीलेश लंके यांनी नवीन गाडीची राईड देणार का?, असं विचारत थेट बुलेटचा ताबा घेतला. त्यानंतर त्यांनी बुलेटवरुन विद्या प्रतिष्ठान शैक्षणिक संकुलाच्या परिसरात फेरफटका मारला (5 Shivsena Corporators Join NCP).
आमदार असलेल्या नीलेश लंके यांचा हा साधेपणा हे दृश्य पाहणाऱ्यांसाठी आश्चर्याचा धक्का आणि बुलेट घेणाऱ्या मोहसीन पठाण यांच्यासाठी अभिमानास्पद ठरला.
पवारांच्या सूचनांबाबत मुख्यमंत्र्यांनी ठरवावं, तिन्ही पक्ष एकत्र असल्याचं दिसत नाही : देवेंद्र फडणवीसhttps://t.co/2WDtAPrscX #Devendrafadnavis #BJP #MahaVikasAghadi @Dev_Fadnavis
— TV9 Marathi (@TV9Marathi) July 4, 2020
5 Shivsena Corporators Join NCP
संबंधित बातम्या :
पुण्यात कोरोना आटोक्यात न आल्यास परिणाम भोगावे लागतील, अजित पवारांकडून अधिकारी धारेवर