काँग्रेसची उमेदवार यादी, औरंगाबादमध्ये सुभाष झांबड, चंद्रपुरात मुत्तेमवारांना धक्का

नवी दिल्ली: लोकसभा निवडणुकीसाठी काँग्रेसने आणखी एक उमेदवार यादी जाहीर केली आहे. या यादीत महाराष्ट्रातील पाच जणांनी नावं आहेत. त्याआधी काँग्रेसने 12 उमेदवार जाहीर केले आहेत. महाराष्ट्रात काँग्रेस आणि राष्ट्रवादीची आघाडी आहे. काँग्रेस 26 तर राष्ट्रवादी 22 जागा लढवणार आहे. काँग्रेसने आज जाहीर केलेल्या पाच जागांमध्ये चंद्रपूर, जालना, औरंगाबाद, भिवंडी आणि लातूर यांचा समावेश आहे. चंद्रपूर : विनायक बांगडे,जालना : विलास औताडे, औरंगाबाद : सुभाष झांबड, भिवंडी : सुरेश टावरे आणि लातूरमध्ये मच्छिलिंद्र कामत यांना उमेदवारी जाहीर झाली.

महत्त्वाचं म्हणजे औरंगाबादच्या जागेसाठी राष्ट्रवादीने आग्रह करुनही ती जागा काँग्रेसने आपल्याकडे कायम ठेवली आहे. इथे सुभाष झांबड यांना काँग्रेसने उमेदवार दिला आहे.

काँग्रेसची नवी उमेदवार यादी

1. चंद्रपूर : विनायक बांगडे
2. जालना : विलास औताडे
3. औरंगाबाद : सुभाष झांबड
4. भिवंडी : सुरेश टावरे
5. लातूर : मच्छिलिंद्र कामंत

The Congress Central Election Committee announces the seventh list of candidates for the ensuing elections to the Lok Sabha pic.twitter.com/ZfJBkQ1Xi3

— Congress (@INCIndia) March 22, 2019

काँग्रेसचे आतापर्यंत जाहीर झालेले उमेदवार

1. नंदुरबार – के. सी. पाडवी
2. धुळे – कुणाल पाटील
3. वर्धा – चारुलता टोकस
4. यवतमाळ-वाशिम – माणिकराव ठाकरे
5. मुंबई दक्षिण मध्य – एकनाथ गायकवाड
6. शिर्डी – भाऊसाहेब कांबळे
7. रत्नागिरी-सिंधुदुर्ग – नवीनचंद्र बांदिवडेकर
8. नागपूर – नाना पटोले
9. गडचिरोली – नामदेव उसेंडी
10. मुंबई उत्तर मध्य – प्रिया दत्त
11. मुंबई दक्षिण – मिलिंद देवरा
12. सोलापूर – सुशील कुमार शिंदे
13. चंद्रपूर : विनायक बांगडे
14. जालना : विलास औताडे
15. औरंगाबाद : सुभाष झांबड
16. भिवंडी : सुरेश टावरे
17. लातूर : मच्छिलिंद्र कामंत

निवडणुकीच्या तारखा जाहीर :

केंद्रीय निवडणूक आयोगाने रविवारी 10 मार्चला लोकसभा निवडणूक 2019 च्या तारखा जाहीर केल्या. लोकसभेच्या 543 जागांसाठी 7 टप्प्यात मतदान होणार आहे. त्यासाठी आचारसंहिता लागू झाली आहे. 11, 18, 23, 29 एप्रिल, तर 6, 12 आणि 19 मे रोजी अशा सात टप्प्यात मतदान होईल. देशभरातील सर्व लोकसभा मतदारसंघाचा निवडणुकीचा निकाल 23 मे रोजी जाहीर होईल. केंद्रीय निवडणूक आयुक्त सुनिल अरोरा यांनी याबाबतची घोषणा केली.

महत्त्वाचं म्हणजे महाराष्ट्रात 11 एप्रिल 2019 रोजी पहिलं मतदान होईल. महाराष्ट्रातील 48 जागांसाठी चार टप्प्यात मतदान होणार आहे. पहिल्या टप्प्यात 11 एप्रिलला 7 जागांसाठी, दुसऱ्या टप्प्यात 18 एप्रिलला 10 जागांसाठी, तिसऱ्या टप्प्यात 23 एप्रिलला 14 जागांसाठी आणि चौथा टप्प्यात 29 एप्रिलला 17 जागांसाठी मतदान होणार आहे.

संबंधित बातम्या 

आघाडीचे 48 पैकी 29 जागांवर उमेदवार जाहीर, संपूर्ण यादी एकाच ठिकाणी   

भाजपची तिसरी यादी जाहीर, महाराष्ट्रातील सहा उमेदवारांची नावं घोषित   

लोकसभा निवडणूक : शिवसेनेची यादी जाहीर  

भाजपच्या पहिल्या यादीत दोन विद्यमान खासदारांना डच्चू

भाजपच्या पहिल्या यादीमुळे महाराष्ट्रातील दोन रोमहर्षक लढती निश्चित  

Loksabha Election 2019 : भाजपची पहिली यादी जाहीर  

भाजपच्या पहिल्या यादीतल्या 16 जणांविरुद्ध आघाडीचे ‘हे’ उमेदवार