Eknath Shinde : एकनाथ शिंदेंच्या बंडामागे भाजपचा हात आहे? आता खुद्द एकनाथ शिंदेंनीच सांगितलं हात आहे की नाही!

मुंबई : एकनाथ शिंदे (Eknath Shinde) यांच्या बंडाने अनेक तर्क वितर्कांना उधाण आलंय. एकनाथ शिंदे यांच्या बंडाला भाजपचं (BJP) पाठबळ आहे, अशी एक चर्चा आहे. त्यावर खुद्द एकनाथ शिंदे यांनीच त्यावर भाष्य केलंय. आम्हाला भाजपचा पाठिंबा नाही, असं एकनाथ शिंदे यांनी स्पष्ट केलं आहे. आमच्या बंडाला भाजपची चिथावणी नाही. आम्हाला भाजपचा पाठिंबा नाही. हे आमचं शिवसेनेच्या आमदारांचं बंड आहे. याचा भाजपशी काहीही संबंध नाही, असं स्पष्टीकरण त्यांनी दिलं आहे.

भाजपचा पाठिंबा आहे का?

एकनाथ शिंदे यांच्या बंडाला भाजपचं पाठबळ आहे, अशी एक चर्चा आहे. त्यावर खुद्द एकनाथ शिंदे यांनीच त्यावर भाष्य केलंय. आम्हाला भाजपचा पाठिंबा नाही, असं एकनाथ शिंदे यांनी स्पष्ट केलं आहे. आमच्या बंडाला भाजपची चिथावणी नाही. आम्हाला भाजपचा पाठिंबा नाही. हे आमचं शिवसेनेच्या आमदारांचं बंड आहे. याचा भाजपशी काहीही संबंध नाही, असं स्पष्टीकरण त्यांनी दिलं आहे.

भाजपचा पाठिंबा नसल्याचा दावा जरी एकनाथ शिंदे करत असले तरी जे कॅमेऱ्यामध्ये कैद झालं ते वास्तव वेगळं आहे. सूरतच्या ज्या हॉटेलमध्ये शिवसेनेचे आमदार थांबले आहेत, तिथे भाजपच्या काही नेत्यांचा वावर दिसून आला. मोहित कंभोज त्या हॉटेलमध्ये दिसले. एकनाथ शिंदेही मविआचा पाठिंबा काढून घ्या आणि भाजपला पाठिंबा द्या या भूमिकेवर ठाम आहेत. शिवाय भाजपमध्ये होणाऱ्या हालचाली पाहता भाजपचा शिंदेगटाला पाठिंबा असल्याची चर्चा आहे.

कोकणातील आणखी आमदार भास्कर जाधव हे देखील त्यांच्या संपर्कात असल्याचं सांगितलं जात होतं. दरम्यान, यावर एकनाथ शिंदे यांना टीव्ही 9चे प्रतिनिधी मयुरेश गणपत्ये यांनी विचारपूस केली. त्यावेळी एकनाथ शिंदे यांनी महत्त्वाची माहिती दिली. भास्कर जाधव तुमच्या संपर्कात आहेत, ते देखील तुमच्या गटात सामील होणार आहेत, असं सांगितलं जातंय, या प्रश्नावर एकनाथ शिंदे यांनी म्हटलंय, की भास्कर जाधव यांच्याशी माझं कोणतंही बोलणं झालेलं नाही. भास्कर जाधव यांचं मला काही माहीत नाही, असंही त्यांनी म्हटलंय. टीव्ही 9च्या प्रतिनिधींना एकनाथ शिंदे यांच्याशी फोनवरुन संपर्क साधला असता, त्यांनी ही माहिती दिली.