Eknath Shinde vs Shivsena : आमचे गटनेते शिंदेच, भाजपसोबत सरकार बनवा, बंडखोर आमदारांचा शिंदेंना पाठिंबा, उद्धव ठाकरेंची डोकेदुखी वाढली

एकनाथ शिंदे विरुद्ध मुख्यमंत्री उद्धव ठाकरे

Image Credit source: social

मुंबई : राज्यातील महाविकास आघाडी सरकार अल्पमतात आलेलं असताना एक मोठी बातमी समोर आली आहे. एकनाथ शिंदे (Eknath Shinde) गटातील 35 आमदारांनी आमचे गटनेते एकनाथ शिंदेंच राहणार असल्याचं म्हटलंय. यावेळी त्या 35 आमदारांनी राष्ट्रवादी-काँग्रेसला दूर करून भाजपसोबत (BJP) सरकार स्थापन करण्याची मागणी केली आहे. शिवसेनेतील बंडखोर आमदारांच्या या पाठिंब्याने मुख्यमंत्री आणि शिवसेना पक्षप्रमुख उद्धव ठाकरे (Uddhav Thackeray) यांची डोकेदुखी वाढल्याचं दिसतंय. राज्यातील राजकीय घडामोडींना वेग आलेला असताना सूरतमध्ये भाजप नेते रावसाहेब दानवे हे देखील दाखल झाले आहेत. त्यामुळे भाजपकडून सत्ता स्थापनेची तयारी सुरु असल्याचं दिसतंय. दरम्यान, शिवसेना सचिव मिलिंद नार्वेकर आणि आमदार रवींद्र फाटक हे मुख्यमंत्र्यांच्या सांगण्यावरुन एकनाथ शिंदेंच्या भेटीसाठी आले आहेत. या भेटीनंतर शिंदेंनी नार्वेकरांकडे तीन प्रस्ताव दिले आहेत. मात्र, एकनाथ शिंदेंकडे 35 आमदारांचा पाठिंबा असल्यानं शिवसेनेच्या गोटात खळबळ उडाली आहे.

शिवसेनेकडील आमदारांचं संख्याबळ आणि वाद

1. एकनाथ शिंदे गट – 35 आमदार
2. शिवसेना – 14 आमदार
हे सुद्धा वाचा

Devendra Fadnavis : फडणवीस पुन्हा मुख्यमंत्री होऊ शकतात पण कसे? शिंदेंच्या बंडाच्या पार्श्वभूमीवर आकड्यांचा खेळ समजून घ्या

Eknath shinde vs Uddhav Thackeray : आम्हाला सुरतमधून बाहेर काढा, एकनाथ शिंदे गटातील आमदारांचा उद्धव ठाकरेंना फोन, राजकीय घडामोडींना वेग

Eknath Shinde News, Maharashtra Government LIVE : एकनाथ शिंदे आणि बंडखोर आमदारांचा पहिला फोटो समोर, बच्चू कडूंचीही बंडाळी

3. सध्या गटनेते एकनाथ शिंदे
4. गटनेतेपदावरुन शिंदेंना शिवसेना हटवू शकत नाही.
5. गटनेतेपदावरुन हटवण्यासाठी शिवसेनेकडे कमी संख्याबळ
6. शिवसेनेते फूट पडण्याची शक्यता
7. एकनाथ शिंदे गट आणि उद्धव ठाकरेंची शिवसेना, अशी फूट पडणार?

एकनाथ शिंदेंना गटनेते पदावरुन हटवलं

आमदारांच्या बैठकीत अजय चौधरी यांची विधिमंडळ पक्षाच्या गटनेतेपदी एकमताने निवड करण्यात आलीय. एकनाथ शिंदे आमचे सहकाही आहेत, आमचे मित्र आहेत. अनेक वर्षापासून आम्ही एकत्र काम केलं आहे. नक्कीच बाळासाहेब ठाकरे असतील, ते म्हणतात त्याप्रमाणे धर्मवीर आनंद दिघे असतील. या सगळ्यांसोबत एकत्र काम केलं आहे. मुळात काही गैरसमज निर्माण झाले असतील तर ते दूर होऊ शकतात. शेवटी शिवसेना हा एक परिवार आहे, कुटुंब आहे. त्यामुळे मी त्यांना आवाहन केलं आहे की मुंबईत या आपण चर्चा करू. तिथे जाऊन चर्चा करणं शिवसेनेच्या शिस्तीत बसत नाही.

अजय चौधरींची गटनेतेपदी नियुक्ती

दुसरीकडे शिवसेनेच्या गोटातील हलचालीही चांगल्याच वाढल्या आहेत. शिवसेने तातडीची बैठक घेत शिवसेनेने एकनाथ शिंदे यांना विधान सभेतील गटनेतेपदावरून हटवलं आहे. त्यांच्या ठिकाणी गटनेतेपदी आमदार अजय चौधरी यांची नियुक्ती करण्यात आली आहे. तर गुजरातमध्येह अनेक मोठ्या घडामोडी घडत आहेत.