कचऱ्याच्या ढिगारा महाराष्ट्राच्या राजकारणाच्या केंद्रस्थानी, आधी संजय राऊत बोलले, आता शिंदेगटाचा पलटवार

नवी दिल्ली : कचऱ्याच्या ढिगारा महाराष्ट्राच्या राजकारणाच्या केंद्रस्थानी आला आहे. आधी खासदार संजय राऊत (Sanjay Raut) यांनी कचऱ्याच्या ढिगाऱ्याचा दाखला देत बोलले. मुख्यमंत्री एकनाथ शिंदेंवर टीका केली. आता शिंदेगटाने त्यावर पलटवार केला आहे. मुख्यमंत्री एकनाथ शिंदे यांच्या भाषणावर टीका केलीय. शिंदेगटाचे खासदार प्रतापराव जाधव (MP Prataprao Jadhav) यांनी राऊतांच्या टीकेला उत्तर दिलंय.

संजय राऊत यांनी आम्हाला दलाल कचरा म्हटलं. तुम्ही याच कचऱ्याच्या ढिगाऱ्यावर निवडून आला आहात. तुम्हाला जर मत देणारे कचरा असतील तर त्या कचऱ्याच्या ढिगाऱ्यावरील कोण आहात? संजय राऊत कचऱ्याच्या ढिगाऱ्यावरील घाण आहेत का?, असा सवाल शिंदेगटाचे खासदार प्रतापराव जाधव यांची संजय राऊत यांच्यावर टीका केली आहे.

शिवसेना हा एक महावृक्ष आहे. त्याचं बीज बाळासाहेब ठाकरेंनी रोवलं. महावृक्ष वाढतो,तेव्हा पालापाचोळा पडतो. तो कचरा मुख्यमंत्र्यांच्या वर्षा बंगल्यावर नेत आहेत. त्या कचऱ्यासमोर मुख्यमंत्री भाषण करतात, असं म्हणत संजय राऊत यांनी शिंदेगटावर टीका केलीय. त्याला आता प्रतापराव जाधव यांनी प्रत्युत्तर दिलंय.

प्रतापराव जाधव यांनी नारायण राणे आणि संजय राऊत यांच्यात चाललेल्या वादावर भाष्य केलंय. नारायण राणे एक ज्येष्ठ नेते आहेत. त्यांनी उद्धव ठाकरेंना आधीपासून पाहिलं आहे. त्यामुळं त्या पद्धतीने ते बोलत असतात, अशी प्रतिक्रिया प्रतापराव जाधव यांनी दिलीय.

केंद्रातील मंत्रिमंडळ विस्तारात संधी मिळाल्यास आनंद होईल अशी प्रतिक्रिया प्रतापराव जाधव यांनी दिलीय. अजूनपर्यंत अधिकृत माहिती मिळालेली नाही. माध्यमांमधूनच माहिती मिळत आहे. बाळासाहेबांच्या शिवसेना पक्षाला केंद्रीय मंत्रीमंडळात स्थान मिळेल, अशी चर्चा आहे. माझ्या पक्षाने मला संधी दिली तर मी आनंदाने करायला तयार आहे, असं प्रतापराव जाधव म्हणालेत.