मुंबई : शिवसेना पक्षप्रमुख उद्धव ठाकरे (Uddhav Thackeray) यांचे मेहुणे आणि रश्मी ठाकरे यांचे बंधू श्रीधर पाटणकर (Shridhar Patankar) यांना सीबीआयने दिलासा दिला आहे. मात्र या प्रकरणी तपास सुरूच राहणार आहे. कारवाईसाठी सबळ पुरावे उपलब्ध नसल्याचा या प्रकरणी रिपोर्ट सीबीआयकडून कोर्टात क्लोजर रिपोर्ट सादर करण्यात आला. कोर्टानंही तो स्वीकारला आहे. हे 84.6 कोटीच्या कथित घोटाळ्याप्रकरण आहे. या प्रकरणी ईडीनं युनियन बँकेचे अधिकारी, काही ज्वेलर्स आणि पुष्पक बुलियन कंपनीचे संचालक यांच्याविरोधात मनी लॉन्ड्रिंगचा गुन्हा दाखल झाला. त्यानंतर त्याचा तपास सुरू झाला. ईडीनं कारवाई दरम्यान श्रीधर पाटणकर यांची साडेसहा कोटींची मालमत्ता जप्त केली. पण आता पाटणकर यांना या प्रकरणी सीबीआयकडून दिलासा मिळाला आहे.
द्धव ठाकरे यांचे मेहुणे आणि रश्मी ठाकरे यांचे बंधू श्रीधर पाटणकर यांना सीबीआयने दिलासा दिला आहे. मात्र या प्रकरणी तपास सुरूच राहणार आहे. कारवाईसाठी सबळ पुरावे उपलब्ध नसल्याचा या प्रकरणी रिपोर्ट सीबीआयकडून कोर्टात क्लोजर रिपोर्ट सादर करण्यात आला. कोर्टानंही तो स्वीकारला आहे.
चंद्रकांत पटेल आणि महेश पटेल यांनी संगनमताने पुष्पक रिएलिटी या पुष्पक ग्रुपमधील कंपनीत तब्बल 20 कोटी रुपये गुंतवल्याचा आरोप आहे. ही रक्कम नंदकिशोर चतुर्वेदी यांच्यामार्फत वेगवेगळ्या बोगस कंपन्यांमध्ये गुंतवले असल्याचा आरोप आहे. नंदकिशोर चतुर्वेदी यांच्या मालकीच्या हमसफर डीलर प्रा. लि. या केवळ कागदोपत्री असलेल्या कंपनीमार्फत श्रीधर पाटणकर यांच्या श्री साईबाबा गृहनिर्मिती या कंपनीला 30 कोटी रुपये बिगर तारण कर्ज दिल्याचं दाखवलं, असा आरोप आहे. पुष्पक ग्रुपच्या महेश पटेल यांनी नंदकिशोर चतुर्वेदी यांच्या मदतीने साईबाबा गृहनिर्मिती प्रकल्पात अवैध रक्कम गुंतवल्याचा आरोप ईडीच्या प्रसिद्धीपत्रकात करण्यात आला होता.
श्रीधर माधव पाटणकर हे मुख्यमंत्री उद्धव ठाकरे यांचे मेहुणे आहेत. रश्मी ठाकरे यांचे ते भाऊ आहेत. श्रीधर पाटणकर हे डोंबिवलीत राहतात. श्रीधर पाटणकर हे उद्योजक आहेत. त्यांचे वडील माधव पाटणकरही उद्योजक होते.