Shanidosh Upay : पत्रिकेत असेल शनिदोष तर अवश्य करा हे सोपे उपाय

मुंबई : ज्योतिष शास्त्रानुसार व्यक्तीच्या जीवनातील सुख-दु:ख कुंडलीतील बदलांमुळे प्रभावित होतात. ग्रहांचे बदल काहींसाठी शुभ तर काहींसाठी अशुभ सिद्ध होत असले तरी, शनिशी संबंधित दोष हे सर्वांसाठीच क्लेशदायक असतात. ज्यांच्या पत्रिकेत शनिदोष (Shanidosh Upay) असेल त्यांना अनेक त्रासांना समोर जावे लागते. शनिदोषामुळे जिवन कष्टदायी बनते. मात्र, हा दोष दूर करण्याचे काही मार्ग आहेत. शनीदोष दूर करण्यासाठी लोकं शनिवारी शनीदेवाच्या पूजेसह इतर उपाय करतात. अशाच काही उपायांबद्दल जाणून घेऊया.

या उपायांनी होतो शनिदोष दूर

1. धार्मिक मान्यतेनुसार शनिवारी एखाद्या गरजू व्यक्तीला दान दिल्यास कुंडलीतील दोष दूर होतात. विशेषत: शनिशी संबंधित दोष दूर होतात. या दिवशी काळे तीळ, काळे वस्त्र इत्यादींचे दान करावे. असे केल्याने राशीला शुभ फल प्राप्त होते.
2. ज्योतिषशास्त्रानुसार रत्न धारण केल्याने कुंडलीतील दोषही दूर होतात. परंतु जर तुम्ही ज्योतिषाचा सल्ला न घेता रत्न धारण केले तर शुभ परिणामांऐवजी अशुभ परिणाम मिळू शकतात. असे मानले जाते की शनि ग्रहाशी संबंधित दोष दूर करण्यासाठी निळा नीलम धारण करणे फायदेशीर आहे. यामुळे ग्रह दोष दूर होतात.
3. शनिदेवाच्या सतीपासून मुक्ती मिळवण्यासाठी शनिवारी पिंपळाच्या झाडाची पूजा करावी. शनिदोष दूर करायचा असेल तर पिंपळाच्या झाडाजवळ मोहरीच्या तेलाचा दिवा लावा आणि पाणीही अर्पण करा. याशिवाय झाडाजवळ बसून हनुमान चालिसाचे पठण करणेही शुभ मानले जाते.
4. धार्मिक मान्यतेनुसार देवांचे देव महादेवाची पूजा केल्याने सर्व प्रकारचे संकट दूर होतात. अशा स्थितीत जर तुम्हाला शनीची साडेसाती किंवा कुंडलीतील कोणत्याही प्रकारचे दोष दूर करायचे असतील तर या दिवशी महामृत्युंजय मंत्राचा जप करावा. घरातील पूजास्थानी बसून या मंत्राचा किमान 108 वेळा जप करा.
5. जर कुंडलीच्या पहिल्या घरात बसून शनि अशुभ प्रभाव देत असेल तर शनिवारी व्यक्तीने दुधात थोडी साखर मिसळून ती वटवृक्षाला किंवा पिंपळाच्या झाडाला अर्पण करावी आणि ती ओली माती घेऊन कपाळावर टिळा लावावा.
6.  जर शनि दुसऱ्या घरात अशुभ परिणाम देत असेल तर शनिवारी तुम्ही कपाळावर दुधाचे किंवा दहीचा टिळा लावा. तसेच सापाला दूध दिले पाहिजे.
7.  तिसऱ्या घरात बसलेल्या शनिचे वाईट परिणाम टाळण्यासाठी शनिवारी काळे तीळ, केळी आणि लिंबू दान करा. कुत्र्यांची सेवा करा आणि मांस आणि मद्यापासून दूर राहा.
8. चौथ्या घरात बसलेल्या शनिचे अशुभ परिणाम टाळण्यासाठी शनिवारी म्हशी आणि कावळ्याला अन्न द्या. गरीब आणि गरजूंना मदत करा. आपल्या क्षमतेनुसार त्यांना दान करा.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)