Valentine Day 2023: ‘व्हॅलेंटाईन डे’च्या दिवशी तुमच्या जोडीदाराला द्या राशीनुसार गिफ्ट, नाते होईल अधीक मजबूत
जर तुम्हालाही तुमच्या जोडीदाराला काही गिफ्ट द्यायचे असेल तर यावेळी त्यांच्या राशीनुसार गिफ्ट खरेदी करा, जे त्यांच्यासाठी भाग्यवान ठरेल.
मुंबई, व्हॅलेंटाईन डे (Valentine Day 2023) दरवर्षी 14 फेब्रुवारी रोजी साजरा केला जातो. लोकं हा दिवस आपल्या जोडीदारासोबत शेअर करण्यासाठी साजरा करतात. विशेषतः हा दिवस प्रेम व्यक्त करण्याचा दिवस मानला जातो. प्रेमात पडलेले लोकं या दिवसाची आतुरतेने वाट पाहतात. प्रेमाचा हा उत्सव विशेष आणि संस्मरणीय बनवायचा आहे. या दिवशी लोकं आपल्या जोडीदारावर प्रेम व्यक्त करण्यासाठी वेगवेगळे मार्ग अवलंबतात. कुणी त्याला बाहेर फिरायला घेऊन जातात, कुणी डेटवर किंवा कुणी त्याला जोडीदाराच्या आवडीचे गिफ्ट देतात. अशा परिस्थितीत जर तुम्हालाही तुमच्या जोडीदाराला काही गिफ्ट द्यायचे असेल तर यावेळी त्यांच्या राशीनुसार गिफ्ट (Gift) खरेदी करा, जे त्यांच्यासाठी भाग्यवान ठरेल. यासोबतच तुमच्या नात्यात गोडवाही वाढेल. चला जाणून घेऊया राशीनुसार तुमच्या जोडीदारासाठी कोणत्या रंगाचे गिफ्ट शुभ राहील.
मेष
मेष राशीचा स्वामी मंगळ असून मेष राशीच्या लोकांसाठी लाल रंग शुभ मानला जातो. अशा परिस्थितीत जर तुमच्या जोडीदाराची राशी मेष असेल तर तुम्ही व्हॅलेंटाईन डेला लाल रंगाचे गिफ्ट किंवा कपडे भेट देऊ शकता. याशिवाय तुम्ही तुमच्या जोडीदाराला लाल गुलाबही देऊ शकता.
वृषभ
वृषभ राशीचा स्वामी शुक्र असून वृषभ राशीचा शुभ रंग पांढरा मानला जातो. अशा परिस्थितीत, जर तुमच्या जोडीदाराची राशी वृषभ असेल तर तुम्ही व्हॅलेंटाईन डेला पांढरे किंवा फिकट क्रीम रंगाचे कपडे किंवा भेटवस्तू देऊ शकता.
मिथुन
मिथुन राशीचा स्वामी बुध आहे, त्यामुळे या राशीच्या लोकांसाठी हिरवा रंग शुभ मानला जातो. जीवनातील प्रेमासाठी, व्हॅलेंटाइन डेच्या दिवशी आपल्या जोडीदाराला हिरव्या किंवा तत्सम रंगाच्या भेटवस्तू द्या. आपण या रंगाशी संबंधित सुंदर कार्ड देखील देऊ शकता.
कर्क
कर्क राशीचा स्वामी चंद्र असून या राशीचा शुभ रंग पांढरा आहे. अशा परिस्थितीत त्यांना पांढरे पट्टे असलेले लाल गुलाब देणे योग्य ठरेल. यासोबतच मोत्यांच्या माळा किंवा अत्तरही देऊ शकता.
सिंह
सूर्य हा सिंह राशीचा शासक ग्रह आहे आणि या राशीच्या लोकांसाठी शुभ रंग खोल लाल, केशरी, केशर, पिवळा आणि सोनेरी आहेत. अशा परिस्थितीत, व्हॅलेंटाईन डेच्या दिवशी तिला लाल, पिवळ्या रंगाचा केशरी गुलाबाचा ड्रेस भेट द्या.
कन्या
कन्या राशीचा स्वामी बुध आहे. म्हणूनच कन्या राशीसाठी हिरवा रंग शुभ मानला जातो. अशा परिस्थितीत कन्या राशीच्या जोडीदाराला गुलाब किंवा हिरवी पाने असलेले कोणतेही रोप भेट देऊ शकता.
(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)