मुंबई : प्रसिद्ध उद्योगपती मुकेश अंबानी (Mukesh Ambani) यांच्या अँटेलिया या घराबाहेर एका कारमध्ये जिलेटीनच्या कांड्या (स्फोटकं) आढळली (Explosive outside Antilia). त्यानंतर अंबानी यांच्या सुरक्षेवरुन (Mukesh Ambani Z plus Security) देशभरात चर्चा सुरु आहे. फोर्ब्सच्या म्हणण्यानुसार मुकेश अंबानी 81.3 बिलीयन डॉलर एवढ्या संपत्तीचे मालक आहेत. तसंच त्यांचा जगातल्या टॉप टेन उद्योगपतींमध्ये समावेश होतो. (Mukesh Ambani Z Plus Security Update After Explosive outside after Antilia building Mumbai)
मुकेश अंबानी देशातले एकमेव असे उद्योगपती आहेत ज्यांना Z plus Security मिळते. गृहमंत्री अमित शहा, संरक्षण मंत्री राजनाथ सिंह, उत्तर प्रदेशचे मुख्यमंत्री योगी आदित्यनाथ तसंच काँग्रेसच्या महासचिव प्रियांका गांधी यांसारख्या नेत्यांना जी Z plus Security आहे ती सुरक्षा मुकेश अंबानी यांना आहे. तसंच मुकेश अंबानी यांच्या पत्नी नीता अंबानी यांना Y कॅटेगरीची सुरक्षा मिळते.
मुकेश अंबानी यांना Z plus Security असल्याने त्यांच्या सुरक्षेला 55 सुरक्षारक्षक असतात. या सुरक्षा रक्षकांमध्ये NSG आणि SPG कमांडो असतात. या दोन्ही ग्रुपचे कमांडो विशेष प्रशिक्षित असतात. संबंधित व्यक्तीभोवती पहिलं कडं करण्याची जबाबदारी NSG कमांडोवर असते. तर दुसऱ्या लेअरमध्ये SPG कमांडो असतात. याशिवाय ITBP और CRPF जवान देखील सुरक्षेसाठी तैनात असतात.
मुकेश अंबानी यांच्या ताफ्यात व्हाइट मर्सिडीज AMG G63 या मॉडलची कार सामिल असते. याचसोबत ताफ्याच्या सगळ्यात पुढे चालणाऱ्या खास दोन बाईक्स असतात. मुकेश अंबानी यांच्या जवळ दोन बुलेटप्रूफ कार आहेत, ज्यातली एक आर्मर्ड BMW 760Li आणि दुसरी मर्सिडीज बेंज S660 गार्ड आहे. मुकेश अंबानी सर्वसाधारणपणे याच कारने फिरतात.
पंतप्रधान, गृहमंत्री तसंच तकाही महत्त्वाचे मंत्री यांच्याशिवाय उद्योगपती किंवा इतर कुणी व्यक्तींना जर विशेष सुरक्षा दिली तर त्याची चर्चा होते. या सुरक्षेसाठी लागणारा पैसा कोम भरणार? असा सवाल लोक विचारत असतात. तसंच या सुरक्षेचा भार सरकारवर पडतो का? असाही प्रश्न लोकांच्या मनात असतो.
उद्योगपती मुकेश अंबानी यांच्या सुरक्षाव्यवस्थेवरुन हा प्रश्न अनेकदा विचारला जातो. एकवेळी तर हा प्रश्न थेट सुप्रीम कोर्टापर्यंत गेला होता. मुंबईमधील एक सीए हिमांशु अग्रवाल यांनी अंबानींच्या Z प्लस सेक्युरिटीवर प्रश्नचिन्ह उपस्थित करतकोर्टात याचिका दाखल केला होती. त्यामध्ये अंबानी यांच्या जीवाला अजिबात धोका नाही, असं सांगत त्यांच्या सुरक्षेव्यवस्थेवरुन होणाऱ्या खर्चावर प्रश्नचिन्ह उपस्थित केलं होतं.
मुकेश अंबानी यांच्या सुरक्षेचा खर्च ते स्वत:च उचलतात. मीडिया रिपोर्ट्समुसार, मुकेश अंबानी हे आपल्या सुरक्षेवर प्रत्येक महिन्याला जवळपास 20 लाख रुपए खर्च करतात. तसंच त्यांच्या पत्नी पनीता अंबानी यांच्या सुरक्षेचा खर्च देखील त्या स्वत: करतात.
सुप्रीम कोर्टात दाखल केलेल्या एका याचिकेवर उत्तर देताना अंबानी यांच्या वकिलांनी ही माहिती कोर्टात दिली होती. वकिलांच्या याच माहितीच्या तसंच कागदपत्रांच्या आधारे प्रतिपक्षाची याचिका कोर्टाने फेटाळून लावली होती.
(Mukesh Ambani Z Plus Security Update After Explosive outside after Antilia building Mumbai)
हे ही वाचा :
VIDEO : मुकेश अंबानींच्या घराबाहेर स्फोटकं भरलेली स्कॉर्पिओ, घातपाताच्या उद्देशाचा संशय