Kalashtami 2023 : एप्रिलमध्ये या तारखेला साजरी होणार कालाष्टमी, असे आहे भैरव नाथाच्या पूजेचे महत्त्व
कालाष्टमीच्या दिवशी भगवान शिवाचे रूप मानल्या जाणाऱ्या कालभैरवाच्या पूजेला विशेष महत्त्व आहे. बाबा काल भैरव (Kal Bhairav) हे शिवाचे पाचवे अवतार मानले जातात.
मुंबई : प्रत्येक महिन्याच्या कृष्ण पक्षातील अष्टमी तिथीला कालाष्टमी व्रत (Kalashtami 2023) पाळले जाते. या दिवशी बाबा काल भैरवाची पूजा केली जाते. या महिन्यात 13 एप्रिल 2023 रोजी कालाष्टमी व्रत आहे. कालाष्टमीच्या दिवशी भगवान शिवाचे रूप मानल्या जाणाऱ्या कालभैरवाच्या पूजेला विशेष महत्त्व आहे. बाबा काल भैरव (Kal Bhairav) हे शिवाचे पाचवे अवतार मानले जातात. कालाष्टमीच्या दिवशी शिवभक्त उपवास करतात आणि काशीचा कोतवाल म्हणून ओळखल्या जाणार्या बाबा कालभैरवाची पूजा करतात. कालाष्टमीच्या दिवशी विधीवत पूजा केल्याने जीवनातील दुःख, दारिद्र्य आणि संकटे दूर होतात. माघ महिन्यातील कालाष्टमीची पूजा पद्धत आणि महत्त्व जाणून घेऊया.
या तारखेला पाळले जाणार कालाष्टमी व्रत
- गुरुवार, 13 एप्रिल 2023
- अष्टमी तारीख सुरू होते – 13 एप्रिल 2023 सकाळी 3.44 पासून
- अष्टमी तारीख संपेल – 14 एप्रिल 2023 रोजी सकाळी 1.34 वाजता
कालाष्टमी पूजेची पद्धत
- कालाष्टमीच्या दिवशी ब्रह्म मुहूर्तावर उठून नित्य विधी व स्नान वगैरे करून भगवान भैरवाची पूजा करावी.
- या दिवशी भगवान भोलेनाथ, माता पार्वती आणि भगवान गणेश यांच्यासोबतच नियमानुसार पूजा करावी.
- पूजेच्या वेळी घरातील मंदिरात दिवा लावा, आरती करा आणि भैरवबाबांना अन्नदान करा.
- देवाला फक्त शुद्ध वस्तू अर्पण केल्या जातात हे लक्षात ठेवा.
कालाष्टमी व्रताचे महत्त्व
दर महिन्याला एक कालाष्टमी याप्रमाणे वर्षभरात १२ कालाष्टमी पाहायला मिळतात. हा दिवस भगवान भैरवनाथाला समर्पित आहे. या दिवशी भैरवनाथाची पूजा आणि उपवास केले जातात. चंद्र महिन्यातल्या कृष्ण पक्ष अष्टमी तिथीला हा दिवस साजरा केला जातो. या दिवशी हिंदू भाविक भगवान भैरवाची पूर्ण भक्तिभावाने पूजा करतात आणि त्यांना प्रसन्न करण्यासाठी व्रत देखील करतात.
कालाष्टमीचे माहात्म्य ‘आदित्य पुराणात’ सांगितले आहे. कालाष्टमीच्या दिवशी उपासनेचे मुख्य देवता भगवान कालभैरव आहेत ज्यांना भगवान शिवाचे रूप मानले जाते. हिंदीतील ‘काल’ म्हणजे ‘काळ’ तर ‘भैरव’ म्हणजे ‘शिवांचे प्रकटन’. म्हणून कालभैरवाला ‘काळाचा स्वामी’ देखील म्हटले जाते.
भगवान भैरव त्यांच्या भक्तांमध्ये खूप प्रिय आहेत आणि म्हणूनच त्यांच्या भक्तांसाठी हा उत्सव खूप खास आहे. कालाष्टमीला भगवान भैरवाची पूजा देशाच्या विविध भागात पूर्ण उत्साहात आणि भक्तिभावाने साजरी केली जाते.
कालाष्टमीला भैरवाची पूजा केल्याने सर्व प्रकारच्या भीतीपासून मुक्ती मिळते. या दिवशी व्रत केल्यास सर्व मनोकामना पूर्ण होतात. यासोबतच बाबा कालभैरवाच्या कृपेने शत्रूपासून मुक्ती मिळते.
(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
