Pitru Paksha 2023 : आज पितृपक्षातील एकादशी श्राद्ध, असे आहे या तिथीचे महत्त्व

पितृ पक्ष

Image Credit source: Social Media

मुंबई : आज पितृपक्षातील (Pitru Paksha 2023) एकादशी श्राद्ध आहे. हिंदू धर्मात पितृ पक्षातील एकादशी श्राद्धाला विशेष महत्त्व आहे. हे श्राद्ध एकादशी तिथीला मृत्युमुखी पडलेल्या पितरांचे स्मरण करण्यासाठी केले जाते. ग्यारस श्राद्ध हे या विधीचे दुसरे नाव आहे. एकादशी श्राद्ध हा आपल्या पूर्वजांना श्रद्धांजली अर्पण करण्याचा आणि स्मरण करण्याचा अर्थपूर्ण मार्ग आहे. असे केल्याने मृतांच्या आत्म्याला शांती मिळते असे मानले जाते. याशिवाय पुढील जीवनात त्यांचे निरंतर अस्तित्व सुरक्षित राहते. असे म्हटले जाते की एकादशी श्राद्ध जिवंत आणि मृत यांच्यातील दुवा म्हणून काम करते. एकादशी श्राद्धात पितरांच्या शांतीसाठी विधी कसे केले जातात आणि तर्पण करण्याची योग्य पद्धत काय आहे ते जाणून घेऊया.

एकादशीच्या श्राद्धाची पद्धत

एकादशीच्या श्राद्धात पितरांना तर्पण अर्पण करण्याबरोबरच ब्राह्मणांना अन्नदान करून त्यांचा आशीर्वाद घ्यावा. या दिवशी गायीला जेवणाचे पान लावावे. तीळ, धान्य, तांदूळ आणि दूध यांचे दान महत्त्वाचे मानले जाते. एखाद्याची इच्छा असेल तर तो गुरूजींच्या मदतीने पिंडदान करू शकतो. या दिवशी कावळ्यांनाही खाऊ घालावे, यामुळे पितरांना मोक्ष मिळण्यास मदत होते, अशी धार्मिक श्रद्धा आहे. त्याचबरोबर श्राद्ध करणाऱ्या व्यक्तीला पुण्य लाभ होतो.

एकादशी श्राद्धाचा मुहूर्त

कुतुप मुहूर्त- सकाळी 11:45 ते दुपारी 12:32 पर्यंत
रोहीण मुहूर्त- दुपारी १२:३२ ते १:१९
दुपारची वेळ – दुपारी 1:19 ते 3:39 पर्यंत

आगामी श्राद्ध तारखा

• 10 ऑक्टोबर 2023, मंगळवार- माघ श्राद्ध
• 11 ऑक्टोबर 2023, बुधवार- द्वादशी श्राद्ध
• 12 ऑक्टोबर 2023, गुरुवार- त्रयोदशी श्राद्ध
• 13 ऑक्टोबर 2023, शुक्रवार- चतुर्दशी श्राद्ध
• 14 ऑक्टोबर 2023, शनिवार- सर्व पितृ अमावस्या

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)