Video: ‘तो’ संपला असं सगळ्यांना वाटलं, टीममधून बाहेर केलं, आता एक ओव्हरमध्ये कुटल्या 2,4,4,2,7,6 6,
करिअर संपल्यात जमा आहे, असं बोललं जात होतं. त्याने अजूनही आपल्यात भरपूर क्रिकेट शिल्लक असल्याच दाखवून दिलय. एरॉन फिंचने स्फोटक बॅटिंग केली. मात्र, तरीही तो आपल्या टीमला विजय मिळवून देऊ शकला नाही.
सिडनी – बिग बॅश लीगच्या एका सामन्यात एरॉन फिंचने एंड्रयू टायला बेकार धुतलं. टायच्या एका ओव्हरमध्ये फिंचने 2,4,4,2,7,6 6, तब्बल 31 धावा लुटल्या. एरॉन फिंचच करिअर संपल्यात जमा आहे, असं बोललं जात होतं. त्याने अजूनही आपल्यात भरपूर क्रिकेट शिल्लक असल्याच दाखवून दिलय. एरॉन फिंचने स्फोटक बॅटिंग केली. मात्र, तरीही तो आपल्या टीमला विजय मिळवून देऊ शकला नाही. ऑस्ट्रेलियन स्टार एरॉन फिंच मेलबर्न रेनेगेड्सच नेतृत्व करतोय. लीगच्या 52 व्या सामन्यात फिंचने पर्थ स्कॉचर्सच्या बॉलर्सची जोरदार धुलाई केली. एंड्रयू टायच्या एका ओव्हरमध्ये त्याने धुमाकूळ घातला. 213 धावांच्या लक्ष्याचा पाठलाग करायला उतरलेल्या मेलबर्नला शेवटच्या 3 ओव्हर्समध्ये 68 धावांची आवश्यकता होती.
लीगमधील सर्वात महागडी ओव्हर
18 व्या ओव्हरमध्ये एंड्रयू टाय बॉलिंगसाठी आला. एरॉन फिंच स्ट्राइकवर होता. ओव्हरच्या पहिल्या चेंडूवर फिंचने 2 धावा काढल्या. पुढच्या 2 चेंडूंवर सलग 2 चौकार मारले. चौथ्या चेंडूवर फिंचने आणखी 2 धावा काढल्या. टायने आपल्या ओव्हरमध्ये 4 चेंडू टाकले होते. त्याची धुलाई बाकी होती. तो दबावाखाली आला होता. त्यामुळे त्याने टाकलेला पाचवा चेंडू नो बॉल ठरला. या नो बॉलवर फिंच थांबला नाही. फिंचने फुलटॉसवर अपर कट सिक्स मारला. फ्री हिटवर त्याने आणखी एक सिक्स मारला. टायची ओव्हरने त्याने सिक्स मारुन संपवली. टायची ही महागडी ओव्हर ठरली.
तुफानी इनिंगमध्ये किती फोर? किती सिक्स?
एका ओव्हरमध्ये फिंचने 31 धावा ठोकल्या. फिंचच्या आक्रमक पवित्र्याने बिथरलेल्या एरॉन हार्डीने पुढच्याच बॉलवर सदरलँडचा कॅच सोडला. फिंचने 35 चेंडूत नाबाद 76 धावा चोपल्या. या तुफानी इनिंगमध्ये त्याने 7 फोर आणि 5 सिक्स मारले. मात्र, तरीही तो आपल्या टीमला विजय मिळवून देऊ शकला नाही. मेलबर्नच्या टीमने 20 ओव्हर्समध्ये 5 विकेट गमावून 202 धावा केल्या. त्यांनी 10 रन्सनी हा सामना गमावला.
फिंच ऑस्ट्रेलियन टीममधून बाहेर
फिंचने मागच्यावर्षी वनडे क्रिकेटमधून निवृत्ती स्वीकारली. त्याने टी 20 वर्ल्ड कपमध्ये ऑस्ट्रेलियाच नेतृत्व केलं. टुर्नामेंटच्या मध्यावर त्याला दुखापत झाली. त्यानंतर त्याचं करिअर संपल्याच जमा असल्याच बोलल जात होतं. अफगाणिस्तान विरुद्धच्या सामन्यातून त्याला बाहेर करण्यात आलं. तेव्हापासून ऑस्ट्रेलियन टीममध्ये तो पुनरागमन करु शकलेला नाही.