Asia Cup 2023 : दुसरा वर्ल्ड कप आला पण ‘हा’ सुधारला नाही, रोहितशी पंगा मग दाखवलं आस्मान

मुंबई : भारत आणि पाकिस्तामधील सामन्यामधील पावसाने परत एकदा खोडा घातलाय. मात्र या सामन्यामध्ये प्रथम फलंदाजी करणाऱ्या टीम इंडियाच्या ओपनर्सनी शतकी भागीदारी करत मजबूत सलामी करून दिली होती. कर्णधार रोहित शर्माने शाहिन शाह आफ्रिदीला सिक्सर मारत कडक सुरूवात केली. त्यानंतर शुबमन गिलने चौकारांची आतषबाजी केली. हा सामना थांबवला असला तरी रोहित आणि शुबमन यांनी आज सर्वांची मन जिंकत पाकिस्तानच्या गोलंदाजांचा घामटा काढला. सोशल मीडियावर हिट-मॅनचा एक व्हिडीओ व्हायरल होत आहे.

काय आहे व्हिडीओमध्ये

पाकिस्तानचा बॉलर शादाब खान याने रोहितला फुल टॉस टाकला त्यानंतर तो चेंडू थेट पव्हेलियनमध्येच दिसला. शादाब याने असाच फुलटॉस रोहितला वर्ल्ड कप 2019 ला टाकला होता. तेव्हाही रोहितने त्याला आस्मान दाखवलं होतं. रोहितने मारलेले दोन्ही व्हिडीओ एका युजरने एकत्र करत ट्विटरवर त्याचा संपूर्ण व्हिडीओ शेअर केला आहे.

पाकिस्तान (प्लेइंग इलेव्हन): फखर जमान, इमाम-उल-हक, बाबर आझम (C), मोहम्मद रिझवान (W), आगा सलमान, इफ्तिखार अहमद, शादाब खान, फहीम अश्रफ, शाहीन आफ्रिदी, नसीम शाह, हॅरिस रॉफ

भारत (प्लेइंग इलेव्हन): रोहित शर्मा (C), शुभमन गिल, विराट कोहली, केएल राहुल, इशान किशन (W), हार्दिक पांड्या, रवींद्र जडेजा, शार्दुल ठाकूर, कुलदीप यादव, जसप्रीत बुमराह, मोहम्मद सिराज