उस्मान तारिकची कॉपी करणं श्रीलंकन खेळाडूला पडलं महागात, पंचानी एका क्षणात शिकवला धडा Video

टी20 वर्ल्डकप 2026 स्पर्धेत पाकिस्तानला सुपर 8 फेरीत गाशा गुंडाळावा लागला. असं असलं तर पाकिस्तानचा फिरकीपटू उस्मान तारिक भाव खाऊन गेला. त्याची गोलंदाजीच्या स्टाईलवरून सोशल मीडियावर मीम्स वगैरेही तयार केले गेले. उस्मान तारिक शॉर्ट रनअपवरून चालत येतो आणि चेंडू टाकण्यापूर्वी थांबतो. त्यानंतर चेंडू टाकतो. त्यामुळे फलंदाज काय करणार याचा अंदाज आधीच येतो. फलंदाजांनाही त्याला आक्रमक फटकेबाजी करणं सोपं जात नाही. अनेकदा जोरदार फटकेबाजी करण्याच्या नादात विकेटही टाकतात. उस्मान तारिकची गोलंदाजी भारतीय फलंदाजांसमोर चालली असं म्हणायला हरकत नाही. टी20 वर्ल्डकप स्पर्धेतील साखळी फेरीत दोन्ही संघ आमनेसामने आले होते. या सामन्यात उस्मान तारिकने 4 षटकं टाकली आणि 24 धावा देत एक विकेट काढली. सूर्यकुमार यादवला बाद केलं. अशा उस्मान तारिकची कॉपी करणं श्रीलंकन खेळाडूला महागात पडलं.

श्रीलंकेतील देशांतर्गत क्रिकेट स्पर्धेत एका फिरकीपटून उस्मान तारिकची कॉपी करण्याचा प्रयत्न केला. पण पंचांना त्याची शैली रूचली नाही. त्याने चेंडू टाकताच पंचांना पुढच्या सेकंदाला चेंडू डेड घोषित केला. श्रीलंकेतील रिचमंड आणि महिंदा कॉलेजमध्ये हा सामना सूरू होता. तेव्हा रिचमंडचा फिरकीपटू नेथुजा बसिथा याने तारिकच्या शैलीत गोलंदाजी करण्याचा प्रयत्न केला. पण त्या शैलीतही त्याने एडिशन घेतलं. चेंडू टाकताना थांबला आणि हलक्या उड्या मारल्या. त्यानंतर चेंडू टाकला. पण पंचांनी हा चेंडू डेड असल्याचं सांगितलं.

A fan of Usman Tariq was spotted during the match between Richmond College and Mahinda College in Galle, Sri Lanka. pic.twitter.com/h7DOQpIFr1

— Cricketopia (@CricketopiaCom) March 21, 2026

काय सांगतो नियम?

क्रिकेटच्या नियमानुसार गोलंदाज फलंदाजाचं लक्ष विचलीत करण्याचा प्रयत्न करू शकत नाही. जर असं काही केलं तर पंच हा चेंडू डेड घोषित करतात. खरं तर बसिथाची गोलंदाजी शैली तारिकसारखी नाही. त्यामुळे त्याने फलंदाजाचं लक्ष विचलीत करण्याचा प्रयत्न केल्याचा पंचांच्या निदर्शनास आलं. उस्मान तारिक प्रत्येक चेंडू टाकताना थांबतो. त्याची ती शैली आहे. जर तारिकने न थांबता चेंडू टाकला तर मात्र त्या शैलीवर आक्षेप घेतला जाईल.