DC VS MI, IPL 2021 Match 13 Result | अटीतटीच्या सामन्यात दिल्लीचा मुंबईवर 6 विकेट्सने विजय

दिल्ली कॅपिट्ल्सने मुंबई इंडियन्सवर 6 विकेट्सने विजय मिळवला आहे. मुंबई इंडियन्सने दिल्ली कॅपिटल्सला विजयासाठी 138 धावांचे आव्हान दिले होते. दिल्लीने हे विजयी आव्हान 4 विकेट्सच्या मोबदल्यात पूर्ण केलं आहे. दिल्लीकडून ‘गब्बर’ शिखर धवनने सर्वाधिक 45 धावा केल्या. तर स्टीव्ह स्मिथने 33 धावांची खेळी केली. तर मुंबईकडून जयंत यादव, कायरन पोलार्ड, राहुल चहर आणि जसप्रीत बुमराहने प्रत्येकी 1 विकेट घेतली.

दिल्लीने 19 ओव्हरनंतर 4 विकेट्स गमावून 133 धावा केल्या आहेत. दिल्ली विजयासाठी 6 चेंडूत 5 धावांची आवश्यकता आहे.

दिल्लीने 18 ओव्हरनंतर 4 विकेट्स गमावून 123 धावा केल्या आहेत. दिल्ली विजयासाठी 12 चेंडूत 15 धावांची आवश्यकता आहे.

दिल्लीला चौथा धक्का बसला आहे. कर्णधार रिषभ पंत मोठा फटका मारण्याच्या नादात कॅच आऊट झाला आहे. रिषभने 7 धावा केल्या.

दिल्लीला तिसरा धक्का आहे. शिखर धवन मोठा फटका मारण्याच्या नादात निर्णायक क्षणी कॅच आऊट झाला आहे. राहुलच चहरने शिखरला कृणाल पंड्याच्या हाती कॅच आऊट केलं. शिखरने 42 चेंडूत 5 चौकार आणि 1 सिक्ससह 45 धावा केल्या.

गब्बर शिखर धवनने 15 व्या ओव्हरची सुरुवात सिक्सने केली आहे. धवनने राहुलच चहरच्या गोलंदाजीवर हा सिक्स खेचला.

दिल्लीने 14 ओव्हरनंतर 2 विकेट्स गमावून 90 धावा केल्या आहेत. शिखर धवन 35 आणि ललित यादव 10 धावांवर नाबाद खेळत आहेत. दिल्ली विजयासाठी 6 ओव्हरमध्ये 48 धावांची आवश्यकता आहे.

दिल्लीने 13 ओव्हरनंतर 2 विकेट्स गमावून 86 धावा केल्या आहेत. शिखर धवन 33 आणि ललित यादव 9 धावांवर नाबाद खेळत आहेत. दिल्ली विजयासाठी 7 ओव्हरमध्ये 52 धावांची आवश्यकता आहे.

दिल्लीला दुसरा धक्का बसला आहे. भरवशाचा फलंदाज स्टीव्ह स्मिथ 33 धावांवर बाद. कायरन पोलार्डने स्मिथला पायचित केलं. (दिल्ली 64/2)

स्टीव्ह स्मिथ आणि शिखर धवनची दुसऱ्या विकेटसाठी अर्धशतकी भागीदारी केली आहे. पहिली विकेट झटपट गमावल्यानंतर या दोघांनी दिल्लीचा स्कोअरकार्ड धावता ठेवला. या दरम्यान या दोघांनी अर्धशतकी भागीदारी केली. यामुळे दिल्ली मजबूत स्थितीत आहेत.

दिल्लीने पावर प्लेच्या पहिल्या 6 ओव्हरनंतर 6 विकेट्स गमावून 39 धावा केल्या आहेत. स्टीव्ह स्मिथ 17 तर शिखर धवन 12 धावांवर नाबाद खेळत आहेत. दिल्लीला विजयासाठी 84 चेंडूत 99 धावांची आवश्यकता आहे.

दिल्लीने 4 ओव्हरनंतर 1 विकेट गमावून 28 धावा केल्या आहेत. स्टीव्ह स्मिथ 11 तर शिखर धवन 9 धावांवर नाबाद खेळत आहेत.

शिखर धवनने चौकार ठोकत आपल्या खेळीची सुरुवात केली आहे. शिखरने सामन्यातील पहिल्या ओव्हरच्या  तिसऱ्या चेंडूवर ट्रेन्ट बोल्टच्या गोलंदाजीवर फोर ठोकला.

दिल्लीच्या बॅटिंगला सुरुवात झाली आहे. पृथ्वी शॉ आणि शिखर धवन सलामी जोडी मैदानात खेळत आहे.

मुंबई इंडियन्सने दिल्ली कॅपिटल्सला विजयासाठी 138 धावांचे आव्हान दिले आहे. मुंबईने निर्धारित 20 ओव्हरमध्ये 9 विकेट्स गमावून 137 धावा केल्या आहेत. मुंबईकडून कर्णधार रोहित शर्माने सर्वाधिक 44 धावांची खेळी केली. अमित मिश्राच्या फिरकीसमोर मुंबईच्या गोलंदाजांनी लोटांगण घातलं. रोहित शर्मानंतर मुंबईने ठराविक अंतराने विकेट्स गमावल्या. दिल्लीकडून अमित मिश्राने सर्वाधिक 4 विकेट्स घेतल्या.

मुंबईला सातवा झटका बसला आहे. इशान किशन दुर्देवीरित्या क्लीन बोल्ड झाला आहे.

मुंबईच्या 16 ओव्हरनंतर 6 विकेट्स गमावून 114 धावा केल्या आहेत.

इशान किशनने अश्विनच्या गोलंदाजीवर 16 व्या ओव्हरच्या पहिल्या चेंडूवर फ्लॅट सिक्स लगावला आहे.

मुंबईने 14.4 ओव्हरमध्ये 6 विकेट्स गमावून 100 धावा पूर्ण केल्या आहेत. जयंत यादव आणि इशान किशन मैदानात खेळत आहेत.

अमित मिश्राने आपल्या फिरकीच्या जाळ्यात कायरन पोलार्डला अडकवत मैदानाबाहेरचा रस्ता दाखवला आहे. मिशीने गुगली बोलवर पोलार्डला एलबीडबल्यू आऊट केलं आहे. पोलार्डने 2 धावा केल्या.

मुंबईला पाचवा झटका लागला आहे.  कृणाल पंड्या आऊट झाला आहे. मुंबईने झटपट विकेट गमावल्याने पलटणवर दबाव आला आहे. दरम्यान कायरन पोलार्ड आणि इशान किशन मैदानात खेळत आहेत.

अमित मिश्राने मुंबईला 9 व्या ओव्हरमध्ये 2 मोठे धक्के  दिले आहेत. मिश्राने आपल्या गोलंदाजीवर आधी सेट झालेल्या रोहित शर्माला आणि त्यानंतर हार्दिक पंड्याला बाद केलं. त्यामुळे काही ओव्हरआधी फ्रंटफुटवर असेलेली पलटण आता बॅकफुटवर गेली आहे.

अमित मिश्राने मुंबईला मोठा धक्का दिला आहे. मिश्राने जोरदार फलंदाजी करत असेलला मुंबईचा कर्णधार रोहित शर्माला आऊट केलं आहे. रोहितने 30 चेंडूत  प्रत्येकी 3 सिक्स आणि 3 चौकारांसह 44 धावांची खेळी केली.

मुंबईला दुसरा धक्का बसला आहे.  सू्र्यकुमार यादव आऊट कॅच आऊट झाला आहे. आवेश खानने सूर्याला विकेटकीपर रिषभ पंतच्या हाती कॅच आऊट केलं. सूर्याने 15 चेंडूत 4 चौकारासह 24 धावा केल्या.

रोहित शर्मा आणि सूर्यकुमार यादव या जोडीने दुसऱ्या विकेटसाठी अर्धशतकी भागीदारी केली आहे. दोन्ही फलंदाज मैदानात सेट झाले आहेत.

पावर प्लेच्या पहिल्या 6 ओव्हरनंतर मुंबईने 1 विकेट गमावून 55 धावा केल्या आहेत. सूर्यकुमार यादव 23 तर कर्णधार रोहित शर्मा 29 धावांवर नाबाद खेळत आहेत. या दोघांनी आतापर्यंत दुसऱ्या विकेटसाठी 46 धावा जोडल्या आहेत.

सूर्यकुमार यादवने अमित मिश्राच्या बोलिंगवर सामन्यातील 6 व्या ओव्हरच्या तिसऱ्या चेंडूवर फोर लगावला आहे. यासह मुंबईच्या 50 धावा पूर्ण झाल्या आहेत.

रोहितने कगिसो रबाडाच्या बोलिंगवर 5 व्या ओव्हरच्या 5 चेंडूवर 95 मीटरचा सिक्स मारला आहे.

रोहित शर्माने आर अश्विनच्या बोलिंगवर चौथ्या ओव्हरच्या शेवटच्या चेंडूवर सिक्स खेचला. यासह मुंबईचा स्कोअर 4 ओव्हरनंतर 1 बाद 31 झाला आहे. रोहितसोबत सूर्यकुमार यादव है मैदानात खेळत आहे.

मुंबई इंडियन्सला पहिला धक्का बसला आहे.  क्विंटन डी कॉक आऊट झाला आहे. क्विंटन 1 रन करुन माघारी परतला.

मुंबईच्या बॅटिंगला सुरुवात झाली आहे. कर्णधार रोहित शर्मा आणि क्विंटन डी कॉक सलामी जोडी मैदानात खेळत आहे.

दिल्ली विरुद्धच्या सामन्यासाठी मुंबईने प्लेइंग इलेव्हनमध्ये 1 बदल केला आहे. वेगवान गोलंदाज एडम मिल्नच्या जागी फिरकीपटू जयंत यादवला स्थान देण्यात आले आहे. तसेच दिल्लीमध्ये 2 बदलाव झाले आहेत. ख्रिस वोक्स आणि लुकमान मेरीवालाच्या जागी शिमरोन हेटमायर आणि अमित मिश्राला संधी देण्यात आली आहे.

रिषभ पंत (कप्तान), पृथ्वी शॉ, शिखर धवन, स्टीव्ह स्मिथ, मार्कस स्टोयनिस, ललित यादव, आर अश्विन, कगिसो रबाडा, आवेश खान, शिमरॉन हेटमायर आणि अमित मिश्रा.

रोहित शर्मा (कर्णधार) , क्विंटन डीकॉक, सूर्यकुमार यादव, इशान किशन, हार्दिक पंड्या, कृणाल पंड्या, जंयत यादव, राहुल चहर, जसप्रीत बुमराह आणि ट्रेन्ट बोल्ट.

आयपीएलच्या 14 व्या मोसमातील 13 वा सामना दिल्ली कॅपिटल्स विरुद्ध मुंबई इंडियन्स यांच्यात खेळवण्यात येणार आहे. या सामन्याला अवघ्या काही मिनिटांमध्ये सुरुवात होणार आहे.