IND vs IRE, 2nd T20, Harshal Patel : हर्षल पटेलची धुलाई, बिन्नी आणि चहरचा नकोसा असलेला विक्रम मोडला, जाणून घ्या…
हर्षलच्या गोलंदाजीवर आयर्लंडच्या फलंदाजांनी एकूण सहा षटकार ठोकले. याआधी स्टुअर्ट बिन्नी आणि दीपक चहर यांच्या नावावर भारतासाठी टी-20 आंतरराष्ट्रीय सामन्यात वेगवान गोलंदाजाकडून सर्वाधिक षटकार मारण्याचा विक्रम होता. बिन्नी आणि दीपक या दोघांनीही वेस्ट इंडिजविरुद्ध एका डावात प्रत्येकी पाच षटकार मारले आहेत.
नवी दिल्ली : 2022 च्या टी-20 (T20) विंश्वचषकासाठी हर्षल पटेल (Harshal Patel) हे टीम इंडियाचं (IND) महत्त्वाचं अस्त्र मानलं जातं. पण आयर्लंडविरुद्धच्या (IRE) दोन सामन्यांच्या मालिकेतील शेवटच्या टी-20 आंतरराष्ट्रीय सामन्यात आयरिश फलंदाजांनी ज्या प्रकारे त्यांची धुलाई केली. ते भारतीय क्रिकेट चाहत्यांच्या गळ्यातील ताईत होते. उतरत नाही. हर्षलनं चार षटकांमध्ये 54 धावा दिल्या आणि या कालावधीत केवळ एक विकेट घेतली. यादरम्यान हर्षल पटेलने स्टुअर्ट बिन्नी आणि दीपक चहर यांचा हा नकोसा असलेला विक्रमही मोडलाय. भारतासाठी आंतरराष्ट्रीय T20 मध्ये एका वेगवान गोलंदाजाने सर्वाधिक षटकार मारण्याचा विक्रम आता हर्षल पटेलच्या खात्यात जमा झाला आहे.
यापूर्वी कायं झालं होतं?
हर्षलच्या गोलंदाजीवर आयर्लंडच्या फलंदाजांनी एकूण सहा षटकार ठोकले. याआधी स्टुअर्ट बिन्नी आणि दीपक चहर यांच्या नावावर भारतासाठी टी-20 आंतरराष्ट्रीय सामन्यात वेगवान गोलंदाजाकडून सर्वाधिक षटकार मारण्याचा विक्रम होता. बिन्नी आणि दीपक या दोघांनीही वेस्ट इंडिजविरुद्ध एका डावात प्रत्येकी पाच षटकार मारले आहेत. हर्षलने आयर्लंडविरुद्ध सहा षटकार मारत दोघांनाही मागे टाकले.
भारत आणि आयर्लंड यांच्यातील दुसरा T20 आंतरराष्ट्रीय सामना उच्च स्कोअरिंगचा होता. भुवनेश्वर कुमार, उमरान मलिक ते हर्षल पटेलपर्यंत सर्व वेगवान गोलंदाज धुवून गेले. भारताने 20 षटकांत 7 बाद 225 धावा केल्या. प्रत्युत्तरात आयर्लंडनं 20 षटकांत 5 बाद 221 धावा केल्या. भारताने हा सामना चार धावांनी जिंकला, पण हर्षलची ज्या पद्धतीने धुलाई झाली त्यामुळे संघ व्यवस्थापनाची डोकेदुखी वाढली असावी.
आंतरराष्ट्रीय क्रिकेटमध्ये शतक झळकावणारा हुड्डा चौथा भारतीय
T20 आंतरराष्ट्रीय क्रिकेटमध्ये शतक झळकावणारा हुड्डा चौथा भारतीय ठरला. त्याने 57 चेंडूत नऊ चौकार आणि सहा षटकारांसह 104 धावा केल्या. संजू सॅमसनने त्याला चांगला खेळवत 42 चेंडूत नऊ चौकार आणि चार षटकारांसह 77 धावा केल्या. ऋतुराज गायकवाडच्या दुखापतीमुळे सॅमसनला या सामन्यात संधी मिळाली. हुड्डा आणि सॅमसन या दोघांनीही त्यांच्या डावात फटकेबाजी केली.
सुरुवात खराब
भारताची सुरुवात चांगली झाली नाही आणि इशान किशन तीन धावा करून पॅव्हेलियनमध्ये परतला. तिसर्‍याच षटकात लॉर्कन टकरकडे मार्क एडायरच्या गोलंदाजीवर झेलबाद होऊन त्याने आपली विकेट गमावली. यानंतर हुडा आणि सॅमसन यांनी 85 चेंडूत 176 धावांची भागीदारी करत भारताच्या मोठ्या धावसंख्येचा पाया रचला.