IPL 2022 च्या मेगा ऑक्शन संदर्भात येऊ शकते एक वाईट बातमी
रणजी स्पर्धेप्रमाणेच IPL ला सुद्धा कोरोनाचा फटका बसू शकतो. आयपीएलच्या 15 व्या सीझनआधी होणाऱ्या मेगा ऑक्शनवर संकटाचे ढग जमा झाले आहेत.
मुंबई: रणजी स्पर्धेप्रमाणेच IPL ला सुद्धा कोरोनाचा फटका बसू शकतो. आयपीएलच्या 15 व्या सीझनआधी होणाऱ्या मेगा ऑक्शनवर संकटाचे ढग जमा झाले आहेत. बीसीसीआय या मेगा ऑक्शनसाठी निश्चित केलेली तारीख आणि ठिकाण बदलण्याच्या विचारामध्ये आहे. कोविडची वाढती रुग्णसंख्या आणि राज्यांनी लावलेले निर्बंध यामुळे बीसीसीआय मेगा ऑक्शनच्या तारखेमध्ये बदल करण्याच्या विचारामध्ये आहे. (IPL 2022 Bad news regarding ipl mega Auction Possibly venue can change)
बीसीसीआयने अलीकडेच मेगा ऑक्शनसाठी बंगळुरुची निवड केली होती. 12 आणि 13 फेब्रुवारीला हे मेगा ऑक्शन पार पडणार होतं. पण कोरोना रुग्णांच्या वाढत्या संख्येमुळे पुन्हा एकदा लॉकडाउनची स्थिती निर्माण झाली आहे. कर्नाटक सरकारने नियम लागू केले, तर त्याचा लिलावावर परिणाम होईल. आज तकने हे वृत्त दिले आहे.
बोर्डाने कोलकात्ता, कोच्ची आणि मुंबईला मेगा ऑक्शनसाठी स्टँडबायवर ठेवले आहे. बंगळुरुचा बेत रद्द झाला, तर या तीन शहरात लिलाव प्रक्रिया होऊ शकते.
रणजी स्पर्धा पुढे ढकलली कोरोनाच्या ताज्या लाटेमुळे BCCI ने रणजीसह काही महत्त्वाच्या स्पर्धा पुढे ढकलल्या आहेत. बीसीसीआयने 2021-22 मोसमासाठीच्या रणजी करंडक, कर्नल सी.के.नायडू आणि सिनियर महिलांची टी-20 लीग स्पर्धा पुढे ढकलण्याचा निर्णय घेतला आहे.
संबंधित बातम्या:
IND vs SA: ‘तरी अजिंक्य रहाणेला संघाबाहेर काढा’, गौतम गंभीरचं रोखठोक मत ICC Rankings: केएल राहुल, जसप्रीत बुमराह, मोहम्मद शमीची रँकिंग सुधारली Yuzvendra Chahal: चहलच्या बायकोने काश्मीरमध्ये दाखवल्या वेगळ्या अदा, पाहा खास PHOTOS
