Video : रोहित शर्मा आऊट की नॉट आऊट? वादानंतर आयपीएलचा व्हिडीओ पाहून तुम्हीच ठरवा काय ते
IPL 2023 : आयपीएल 2023 स्पर्धा आता रंगतदार वळणावर आली आहे. एक एक सामना महत्त्वाचा ठरत आहे. मुंबई इंडियन्सने राजस्थान रॉयल्सला पराभूत करत स्पर्धेतील आव्हान कायम ठेवलं आहे. तर रोहित शर्माची विकेट वादाचा विषय ठरली आहे.
मुंबई : आयपीएल 2023 स्पर्धेत रोमांचक अशा सामन्यात मुंबई इंडियन्सने राजस्थान रॉयल्स संघावर 6 विकेट्स राखून विजय मिळवला. राजस्थान रॉयल्स संघाने 20 षटकात 7 गडी गमवून 212 धावा केल्या आणि विजयासाठी 213 धावांचं आव्हान दिलं. मुंबईने हे आव्हान 19.3 षटकात 4 गडी गमवून पूर्ण केलं. मात्र विजयी लक्ष्याचा पाठलाग करत असताना रोहित शर्माची विकेट पडली आणि मुंबईचा संघ अडचणीत आला. दुसऱ्या षटकाच्या शेवटच्या चेंडूवर रोहित शर्मा बाद झाला. संदीप शर्माच्या गोलंदाजीवर त्रिफळाचीत झाला. मात्र आता एका व्हिडीओमुळे वादाचं कारण ठरलं आहे. मात्र आयपीएलने एक व्हिडीओ जारी करत खरं काय आणि खोटं काय हे स्पष्ट केलं आहे.
रोहित शर्मा बाद झाला तेव्हा राजस्थानचा कर्णधार आणि विकेटकीपर संजू सॅमसन स्टंपच्या जवळ उभा होता. असा दावा केला जात होता की, संजू सॅमसनने ग्लोव्ह्ज लावून बेल्स पाडली आणि पंचांनी चुकीचा निर्णय दिला. मात्र आयपीएलच्या एका व्हिडीओमुळे सगळं काही स्पष्ट झाला आहे.
रोहित शर्मा त्रिफळाचीत झाला होता
आयपीएलच्या नव्या व्हिडीओनुसार रोहित शर्मा क्लिन बोल्ड होता. नव्या अँगलच्या व्हिडीओमुळे चेंडू बेल्सला लागून पडल्याचं स्पष्ट दिसत आहे. संजू सॅमसनचा हात बेल्सपेक्षा खूपच लांब होता. रोहित शर्मा बाद झाल्यानंतर काही फरक पडला नाही. कारण त्यानंतर आलेल्या फलंदाजांनी चांगली कामगिरी करत विजय मिळवून दिला.
The dismissal that had the world talking!
IPL’s 1️⃣0️⃣0️⃣0️⃣th match had no shortage of drama ????#IPL1000 | #TATAIPL | #MIvRR | @mipaltan | @rajasthanroyals | @ImRo45 | @IamSanjuSamson pic.twitter.com/qGOUNSiV6H
— IndianPremierLeague (@IPL) May 1, 2023
रोहित शर्मा मुंबई इंडियन्सचा कर्णधार आहे. आतापर्यंत झालेल्या 8 सामन्यात 184 धावा केल्या. या सामन्यात 23 च्या सरासरीने धावा केल्या. रोहित शर्माने या पर्वात एकच अर्धशतक झळकावलं आहे. मुंबई गुणतालिकेत सातव्या स्थानावर आहे.
मुंबई इंडियन्सने 8 पैकी 4 सामन्यात विजय मिळवला आहे. अजून सहा सामने खेळायचे आहेत. प्लेऑफमध्ये पोहोचण्यासाठी मुंबईला 6 पैकी 4 सामने गरजेचं आहे. यासाठी कर्णधार रोहित शर्माला चांगली फलंदाजी करावी लागेल. मुंबईचा पुढचा सामना पंजाब किंग्सवर 3 मे रोजी आहे.
मुंबईचा पूर्ण स्क्वॉड: रोहित शर्मा, कॅमरुन ग्रीन, राघव गोयल, विष्णु विनोद, नेहल वढेरा, टिम डेविड, पीयूष चावला, ड्वेन यानसन, शम्स मुलानी, रमनदीप सिंह, तिलक वर्मा, सूर्यकुमार यादव, अरशद खान, कुमार कार्तिकेय, ऋतिक शौकीन, बेहरनडॉर्फ, डेवाल्ड ब्रेविस, जोफ्रा आर्चर, अर्जुन तेंडुलकर, आकाश मधवाल, इशान किशन आणि ट्रिस्टन स्टब्स.