CSK vs RCB Confirmed Playing XI, IPL 2025 : बंगळुरुच्या गोटात घातक गोलंदाजाची एन्ट्री, चेन्नईकडून धारदार बॉलरचा समावेश, कोण ठरणार गेमचेंजर?

Ruturaj Gaikwad and Rajat Patidar Csk vs RCB Ipl 2025

Image Credit source: IPL X Account

आयपीएलच्या 18 व्या मोसमातील (IPL 2025) आठव्या सामन्यात चेन्नई सुपर किंग्स विरुद्ध रॉयल चॅलेंजर्स बंगळुरु आमनेसामने आहेत. या सामन्याचं आयोजन हे चेन्नईतील एम ए चिदंबरम स्टेडियममध्ये करण्यात आलं आहे. सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस झाला. चेन्नईच्या बाजूने नाणेफेकीचा कौल लागला. कर्णधार ऋतुराज गायकवाड याने फिल्डिंगचा निर्णय घेत बंगळुरुला बॅटिंगसाठी भाग पाडलं आहे. या सामन्यासाठी दोन्ही संघांनी प्लेइंग ईलेव्हनमध्ये बदल केला आहे. दोन्ही संघांनी प्लेइंग ईलेव्हनमध्ये कुणाला संधी दिलीय? हे जाणून घेऊयात.

प्लेइंग ईलेव्हनमध्ये कोण?

आरसीबीने रसीख दार सलाम याच्या जागी प्लेइंग ईलेव्हनमध्ये भुवनेश्वर कुमार याला संधी दिली आहे. तर सीएसकेने नॅथन एलीस याला बाहेरचा रस्ता दाखवला आहे. नॅथन एलीस याच्या जागी मथीशा पाथीराना याला संधी दिली आहे. आता या दोघांपैकी कोणता गोलंदाज गेमचेंजर ठरतो? याकडे क्रिकेट चाहत्यांचं लक्ष असणार आहे.

चेन्नईच आरसीबीवर वरचढ

चेन्नई विरुद्ध आरसीबी हे दोन्ही संघ आयपीएल स्पर्धेच्या इतिहासात आतापर्यंत एकूण 33 वेळा आमनेसामने आले आहेत. आकडेवारीनुसार चेन्नई आरसीबीवर वरचढ राहिली आहे. चेन्नईने 33 पैकी 21 सामन्यात आरसीबीचा धुव्वा उडवला आहे. तर आरसीबीने 11 सामन्यात विजय मिळवला आहे.

कोण मिळवणार सलग दुसरा विजय?

दरम्यान दोन्ही संघांचा हा या हंगामातील दुसरा सामना आहे. दोन्ही संघांनी या हंगामात विजयाने सुरुवात केली आहे.त्यामुळे आता दोन्ही संघांचा सलग दुसरा विजय मिळवण्याचा प्रयत्न असणार आहे. त्यामुळे आता या लढतीत कोण यशस्वी ठरणार? याकडे साऱ्यांचंच लक्ष असणार आहे.

दोन्ही टीमची प्लेइंग ईलेव्हन

रॉयल चॅलेंजर्स बेंगळुरू प्लेइंग इलेव्हन : विराट कोहली, फिलिप सॉल्ट, देवदत्त पडिक्कल, रजत पाटीदार (कर्णधार), लियाम लिव्हिंगस्टोन, जितेश शर्मा (विकेटकीपर), टिम डेव्हिड, क्रुणाल पंड्या, भुवनेश्वर कुमार, जोश हेजलवुड आणि यश दयाल.

चेन्नई सुपर किंग्ज प्लेइंग ईलेव्हन : रचीन रवींद्र, ऋतुराज गायकवाड (कॅप्टन), राहुल त्रिपाठी, दीपक हुडा, सॅम कुरन, रवींद्र जडेजा, एमएस धोनी (विकेटकीपर), रविचंद्रन अश्विन, नूर अहमद, मथीशा पाथीराना आणि खलील अहमद.