GT vs MI : कॅप्टन हार्दिकला पराभवासह दुहेरी झटका, पुन्हा नको ती चूक, बीसीसीआयकडून दणका

Hardik Pandya Mi Ipl

Image Credit source: PTI

गुजरात टायटन्सने शुबमन गिल याच्या नेतृत्वात 29 मार्चला मुंबई इंडियन्सवर 36 धावांनी विजय मिळवला. गुजरातने यासह आयपीएलच्या 18 व्या मोसमात विजयाचं खातं उघडलं. गुजरातचा हा या मोहिमेतील दुसरा सामना होता. तर गुजरातला पहिल्या सामन्यात पराभूत व्हावं लागलं. तर दुसऱ्या बाजूला मुंबईचा हा सलग दुसरा पराभव ठरला. या पराभवानंतर मुंबईचा कर्णधार हार्दिक पंड्या याला मोठा झटका लागला आहे. हार्दिक पंड्याला एका चुकीमुळे लाखो रुपयांचा दंड ठोठावण्यात आला आहे. बीसीसीआयने हार्दिकवर दंडात्मक कारवाई केली आहे. त्यामुळे हार्दिकला 12 लाख रुपयांचा तोटा सहन करावा लागला आहे.

हार्दिकवर स्लो ओव्हर रेटमुळे ही कारवाई करण्यात आली आहे. कर्णधार हार्दिक गुजरात टायटन्सविरुद्धच्या सामन्यात निर्धारित वेळेत 20 ओव्हर पूर्ण करण्यात अपयशी ठरला. नियमानुसार, ठराविक वेळेत 20 ओव्हर होणं बंधनकारक असतं. मात्र तसं न झाल्याने हार्दिकला दंड ठोठवला गेला. आयपीएलकडून प्रसिद्धीपत्रकाद्वारे याबाबतची माहिती देण्यात आली आहे.

हार्दिकला दणका

आयपीएल कोड ऑफ कंडक्टमध्ये, 2.2 या नियमात स्लो ओव्हर रेटसाठी कारवाईची तरतूद करण्यात आली आहे. त्यानुसार ही कारवाई केली गेली आहे. हार्दिकची यंदाच्या मोसमातील ही पहिलीच वेळ होती. त्यामुळे हार्दिकला 12 लाख रुपयांचा दंड ठोठावण्यात आला आहे”, अशी माहिती प्रसिद्धीपत्रकातून देण्यात आली आहे.

सामन्याचा धावता आढावा

दरम्यान गुजरातने मुंबईला विजयासाठी 197 धावांचं आव्हान दिलं होतं. मात्र मुंबईला 20 ओव्हरमध्ये 6 विकेट्स गमावून 160 धावाच करता आल्या.

हार्दिकला स्लो ओव्हर रेटमुळे 12 लाखांचा दंड

गुजरात टायटन्स प्लेइंग ईलेव्हन : शुबमन गिल (कर्णधार), साई सुदर्शन, जोस बटलर (विकेटकीपर), शेरफेन रदरफोर्ड, शाहरुख खान, राहुल तेवतिया, रशीद खान, रविश्रीनिवासन साई किशोर, कागिसो रबाडा, मोहम्मद सिराज आणि प्रसीद कृष्णा.

मुंबई इंडियन्स प्लेइंग ईलेव्हन : रोहित शर्मा, रायन रिकेल्टन (विकेटकीपर), सूर्यकुमार यादव, हार्दिक पांड्या (कर्णधार), तिलक वर्मा, नमन धीर, मिचेल सँटनर, दीपक चहर, ट्रेन्ट बोल्ट, मुजीब उर रहमान आणि सत्यनारायण राजू.