RR vs LSG : वैभव-धुव्रचा झंझावात, लखनौचा 7 विकेट्सने धुव्वा, राजस्थान प्लेऑफच्या शर्यतीत कायम

राजस्थान रॉयल्स लखनौ सुपर जायंट्स टीमला पराभूत करुन आयपीएल स्पर्धेच्या 19 व्या मोसमात घरच्या मैदानातील आपला शेवटचा सामना जिंकण्यात यशस्वी ठरली आहे. लखनौ सुपर जायंट्सने राजस्थानसमोर जयपूरमधील सवाई मानसिंह स्टेडियममध्ये 221 धावांचं आव्हान ठेवलं होतं. राजस्थानने हे आव्हान वैभव सूर्यवंशी आणि ध्रुव जुरेल या जोडीने केलेल्या फटकेबाजीच्या जोरावर सहज पूर्ण केलं. राजस्थानने 5 बॉलआधी विजयी आव्हान पूर्ण केलं. राजस्थानने 19.1 षटकांत 3 विकेट्स गमावून 225 धावा केल्या. राजस्थानचा हा या मोसमातील सातवा आणि लखनौ विरुद्धचा दुसरा विजय ठरला. राजस्थानने यासह प्लेऑफमधील आव्हान कायम ठेवलं आहे.