Video : लखनौला झटका, कर्णधार फक्त 6 धावा काढून आऊट, पाहा डी कॉकचा 93 मीटरचा षटकार

कर्णधार केएल काहुल फक्त 6 धावा काढून आऊट

Image Credit source: twitter

मुंबई : आज आयपीएलच्या (IPL 2022) पंधराव्या सीजनमध्ये पंजाब किंग्ज (PBKS) विरुद्ध लखनौ सुपर जायंट्स (LSG) संघामध्ये सामना सुरू आहे. पुण्यातील महाराष्ट्र क्रिकेट असोसिएशन येथे आयपीएलच्या 42 व्या सामन्यात पंजाबने टॉस जिंकलाय. तर लखनौचा संघ फलंदाजी करत आहे. मात्र, लखनौला पहिला झटका बसला असून संघाचा कर्णधार केएल राहुल आऊट झालाय. त्याने 11 चेंडूत फक्त सहा धावा काढल्या आहेत. त्यात त्याने एक चौकार लगावलाय. लखनौचा संघ सध्या गुणतालिकेत चौथ्या स्थानावर आहे. संघाने पाच सामने जिंकले आहेत, तर तीन पराभवाचा सामना केलाय. पंजाब संघाने आठ सामन्यांत चार विजय आणि तितक्यात सामन्यात पराभवाचा सामना केलाय. सुपर जायंट्सने मागील सामन्यात मुंबई इंडियन्सचा 36 धावांनी पराभूत केलं होतं. तर पंजाब किंग्ज संघ चेन्नई सुपर किंग्जचा 11 धावांनी पराभव केला होता. पंजाबसमोर विजयाची घोडदौड कायम राखण्याचं लखनौचं मोठं आव्हान असणार आहे. मात्र, कर्णधार आऊट झाल्याने डॉ कॉकचं टेन्शन वाढल्याचं दिसतंय.

लखनौला पहिला झटका

केएल राहुलची विकेट. VIDEO पाहण्यासाठी इथे क्लिक करा

डी कॉकच्या षटकाराची चर्चा

आजच्या सामन्यात लखनौ फलंदाजीसाठी मैदानात उतरला असून केएल राहुल 11 चेंडूत फक्त सहा धावा काढल्या आऊट झालाय. यामुळे डी कॉककडे आता संघाला चांगल्या धावा काढून द्यायची जबाबदारी आहे. दरम्यान, डी कॉकने एक षटकार तब्बल 93 मीटरचा मारला आहे. चौथ्या ओवरच्या तिसऱ्या बॉलमध्ये डी कॉकने हा षटकार मारलाय.

षटकाराची चर्चा तर होणारच!

डी कॉकचा 93 मीटरचा षटकार, VIDEO पाहण्यासाठी इथे क्लिक करा

लखनौ सुपर जायंट्सच्या सीईओचा अपघात

सामन्या सुरू होण्यापूर्वी लखनौ सुपर जायंट्सचे सीईओ रघू अय्यर, त्यांची सहाय्यक रचिता बेरी आणि गौतम गंभीरचा व्यवस्थापक गौरव अरोरा यांचा कार अपघात झाला. लखनौचा संघ सामन्यासाठी स्टेडियमकडे जात असताना हे वृत्त आलं. दरम्यान,  सर्वकाही ठीक असल्याची माहिती आहे.

लखनौ सुपर जायंट्सचं ट्विट