दिवळीची सफाई करताय, ‘या’ गोष्टी आजच घरातून बाहेर काढा, जाणून घ्या वास्तू काय सांगतंय

दिवाळीचा सण अवघ्या काही दिवसांवर आला आहे. त्यामुळे अनेकांनी सफाई करण्यास देखील सुरुवात केली आहे. पण सफाई करताना फक्त झाडू आणि फर्शी पुसणं पुरेसं नाही. वास्तूनुसार, दिवाळीपूर्वी घरातून कोणत्या गोष्टी काढून टाकल्या पाहिजेत, जेणेकरून देवी लक्ष्मीचा आशीर्वाद मिळेल अशी श्रद्धा अनेकांची असते. या सणाच्या निमित्ताने लोक आपली घरे दिव्यांनी आणि रंगीबेरंगी रोषणाईने सजवतात. यासोबतच ते घर पूर्णपणे स्वच्छही करतात. अशी श्रद्धा आहे की दिवाळीत घर स्वच्छ ठेवल्याने देवी लक्ष्मी प्रसन्न होते. याच कारणामुळे लोक सणापूर्वी घराचा प्रत्येक कोपरा स्वच्छ करतात. पण केवळ घर स्वच्छ ठेवणे पुरेसं नाही. धार्मिक श्रद्धेनुसार, घरातून काही अशुभ मानल्या जाणाऱ्या वस्तू काढून टाकणं देखील आवश्यक आहे. तर त्या कोणत्या गोष्टी आहेत जाणून घ्या.

दिवाळीच्या साफसफाई दरम्यान घरातील बऱ्याच काळापासून बंद असलेली घड्याळे देखील तपासावीत. धार्मिक आणि वास्तुशास्त्रानुसार, बंद घड्याळ हे प्रगतीमधील अडथळ्यांसाठी कारणीभूत मानलं जाते. जर घड्याळ सामान्यपणे दुरुस्त होऊ शकत असेल, तर ते दुरुस्त करून पुन्हा वापरता येतं. जर ते पूर्णपणे निरुपयोगी असेल, तर त्याची योग्य विल्हेवाट लावली पाहिजे.

बऱ्याच काळापासून न वापरलेल्या जुन्या आणि फाटलेल्या चपलांचा ढीग घरात ठेवणे योग्य नाही. धार्मिक श्रद्धेनुसार, अशा गोष्टी नकारात्मकतेचे प्रतीक मानल्या जातात. त्यामुळे, दिवाळीपूर्वी खराब आणि फाटलेल्या चपला व बूट स्वच्छ करा. ज्या वापरण्यायोग्य आहेत त्या स्वच्छ करून ठेवा किंवा गरजू लोकांना द्या. पूर्णपणे निरुपयोगी झालेल्या चपला आणि बूट यांची योग्य विल्हेवाट लावा.

दिवाळीच्या साफसफाई दरम्यान जुने आणि खराब झालेले झाडू देखील तपासावेत. धार्मिक श्रद्धेनुसार, झाडू देवी लक्ष्मीशी संबंधित आहे. त्यामुळे, तुटलेला किंवा पूर्णपणे न वापरलेला झाडू घरात न ठेवण्याची परंपरा आहे. जर झाडू वापरण्यायोग्य नसेल, तर त्याची योग्य विल्हेवाट लावून नवीन झाडू वापरता येतो.

(डिस्क्लेमर: सदर लेखातील माहिती केवळ ज्योतिषशास्त्रीय गृहीतके आणि उपलब्ध माहितीवर आधारित आहे. आम्ही यातील तथ्यांची किंवा दाव्यांची पुष्टी करत नाही. अंधश्रद्धेला प्रोत्साहन देणे हा आमचा हेतू नाही.)