Navnath Ban : 12 पक्ष बदलले नाही…माकडछाप ब्रँडने भाजपला शहाणपण शिकवू नये…; नवनाथ बन यांचा रवींद्र धंगेकरांवर घणाघात

भाजप प्रवक्ते नवनाथ बन यांनी एका “माकडछाप” माजी आमदार रवींद्र धंगेकर यांच्यावर तीव्र शब्दांत टीका केली आहे. ज्यांनी १२ पक्ष फिरूनही आपले राजकीय करिअर घडवू शकले नाहीत, अशा व्यक्तीने भाजप, देवेंद्र फडणवीस आणि स्वतः नवनाथ बन यांच्यावर टीका करू नये, असे त्यांनी म्हटले.

नवनाथ बन यांच्या मते, ज्या व्यक्तीला एका पक्षात करिअर जमले नाही आणि ज्यांनी १२ पक्ष बदलून पुन्हा शिवसेनेत प्रवेश केला, तोच “माकडछाप ब्रँड” पुणेकरांनी लोकसभेला आणि विधानसभेला घरी बसवला. पुणे महानगरपालिका निवडणुकीत त्यांच्या कुटुंबातील सदस्यांचे डिपॉझिट जप्त झाले. “ज्यांचा ब्रँडच माकडछाप आहे, माकडाच्या हाती कोलीत, अशी त्यांची अवस्था आहे,” असे बन म्हणाले.

या व्यक्तीने भाजपला शहाणपण शिकवू नये, असा इशारा बन यांनी दिला. “मी तुमच्यासारखे १२ पक्ष बदललेले नाहीत. मी अखिल भारतीय विद्यार्थी परिषदेचा कार्यकर्ता होतो, नंतर पत्रकारिता केली आणि आता भाजपमध्ये कमळ हातात घेऊन काम करत आहे,” असे सांगत त्यांनी आपली राजकीय निष्ठा स्पष्ट केली.