MI vs KKR Live Score Updates and Highlights, IPL 2026 : मुंबई इंडियन्सचा 14 वर्षांचा वनवास संपला, पहिल्या सामन्यात दणदणीत विजय

मुंबई इंडियन्सचा पहिल्या सामन्यात पराभवाचा 14 वर्षांचा वनवास अखेर संपला आहे. पहिल्या सामन्यात मुंबई इंडियन्सने कोलकाता नाईट रायडर्सला 6 गडी राखून पराभूत केलं. कोलकाता नाईट रायडर्सने विजयासाठी 221 धावांचं आव्हान दिलं होतं. शेवटच्या षटकाच्या पहिल्या चेंडूवर नमन धीरने चौकार मारला आणि मुंबई इंडियन्सने विजय मिळवला आहे. मुंबई इंडियन्स आयपीएल स्पर्धेच्या इतिहासात पहिल्यांदाच 221 धावांचा यशस्वी पाठलाग केला आहे.

मुंबई इंडियन्सला तिलक वर्माच्या रुपाने चौथा धक्का बसला. तिलक वर्मा 14 चेंडूत 20 धावा करून बाद झाला. विजयी षटकार मारण्याच्या नादात झेल बाद झाला आणि तंबूत परतला.

मुंबई इंडियन्सला रायन रिकल्टनच्या रूपाने तिसरा धक्का बसला. दुसरी धाव घेण्याच्या नादात धावचीत झाला. 43 चेंडूत 8 षटकार आणि 4 चौकाराच्या मदतीने 81 धावा करून बाद झाला. अनुकूल रॉयने जबरदस्त थ्रो करत त्याला तंबूचा रस्ता दाखवला.

मुंबई इंडियन्सला सूर्यकुमार यादवच्या रूपाने दुसरा धक्का बसला आहे. सूर्यकुमार यादव 8 चेंडूत 16 धावा करून बाद झाला आहे. त्याने या खेळीत 3 चौकार मारले. कार्तिक त्यागीच्या गोलंदाजीवर षटकार मारण्याच्या नादात सीमेवर रिंकु सिंहने अप्रतिम झेल पकडलं.

केकेआरने मुंबईला मोठा झटका दिला आहे. वैभव अरोरा याने रोहित शर्माला अनुकूल रॉय याच्या हाती कॅच आऊट केल. रोहितने 38 बॉलमध्ये 78 धावा केल्या.

रोहित शर्मा आणि रायन रिकेल्टन या सलामी जोडीने मुंबईला जबरजस्त सुरुवात मिळवून दिली आहे. रोहितनंतर रायन रिकेल्टन यानेही अर्धशतक झळकावलं आहे. मुंबईने 9 ओव्हरमध्ये बिनबाद 110 धावा केल्या आहेत.  रोहित 59 आणि रायन 50 धावांवर नाबाद खेळत आहे.

मुंबई इंडियन्सने पावरप्लेमध्ये धमाकेदार बॅटिंग केलीय. मुंबईने 1 विकेट गमावून 80 धावा केल्या. मुंबईसाठी रोहित शर्मा याने नाबाद 50 धावा केल्या आहेत. तर रायन रिकेल्टन 28 रन्सवर नॉट आऊट खेळत आहे.

मुंबईच्या सलामी जोडीने 221 धावांचा पाठलाग करताना धमाकेदार सुरुवात केली आहे. रोहित शर्मा आणि रायन रिकेल्टन या सलामी जोडीने 4 ओव्हरमध्ये 49 धावा जोडल्या आहेत. रोहित शर्मा 20 आणि रायन रिकेल्टन 28 धावांवर नाबाद खेळत आहेत.

मुंबई इंडियन्सच्या बॅटिंगला सुरुवात झाली आहे. मुंबईकडून रोहित शर्मा आणि रायन रिकेल्टन ही सलामी जोडी मैदानात आली आहे. केकेआरने मुंबईसमोर 221 धावांचं विक्रमी आव्हान ठेवलं आहे.

कोलकाता नाईट रायडर्सने 19 व्या मोसमातील आपल्या पहिल्या सामन्यात 200 पार मजल मारली आहे. केकेआरने मुंबईसमोर 221 धावांचं आव्हान ठेवलं आहे. केकेआरने 20 ओव्हरमध्ये 4  विकेट्स गमावून 220 धावा केल्या. केकेआरसाठी कॅप्टन अजिंक्य रहाणे आणि अंगकृष रघुवंशी या दोघांनी सर्वाधिक आणि अर्धशतकी खेळी केली.

रिंकू सिंह आणि अंगकृष रघुंवंशी या जोडीने निर्णायक क्षणी चौथ्या विकेटसाठी महत्त्वाची भागीदारी करत केकेआरला 200 पार पोहचवलं आहे. केकेआरने 18.1 ओव्हरमध्ये 200 धावा पूर्ण केल्या.

शार्दुल ठाकुर याने केकेआरला तिसरा आणि सर्वात मोठा धक्का दिलाय. शार्दूलने केकेआरचा कॅप्टन अजिंक्य रहाणे याला आऊट केलं. शार्दुलने रहाणेला कॅप्टन हार्दिक पंड्या याच्या हाती कॅच आऊट केलं. अजिंक्यने 67 धावांची खेळी केली.

कॅप्टन अजिंक्य रहाणे याने आयपीएल 2026 मधील केकेआरच्या पहिल्याच सामन्यात अर्धशतक झळकावलं आहे. अजिंक्यने अवघ्या 27 बॉलमध्ये अर्धशतक पूर्ण करण्याची कामगिरी केली आहे.

शार्दुल ठाकुर याने केकेआरला सलग आणि एकूण दुसरा झटका दिला आहे. शार्दुलने फिन एलन याच्यानंतर कॅमरुन ग्रीन याला आऊट केलं आहे. ग्रीनने 18 धावांची खेळी केली. शार्दुूलने ग्रीनला शेरफेन रुदरफोर्ड याच्या हाती कॅच आऊट केलं.

पॉवर प्लेच्या 6 षटकात केकेआरचं वजन दिसून आलं. केकेआरने 1 गडी गमवून 78 धावा केल्या. अजिंक्य रहाणे आणि कॅमरून ग्रीन खेळत आहेत. त्यामुळे आक्रमक अंदाज पाहायला मिळणार यात काही शंका नाही. त्यानंतरच्या षटकात 16 धावा आल्या. त्यामुळे 7 षटकात 1 गडी गमवून 94 धावा झाल्यात.

शार्दुल ठाकुर याने केकेआरची सेट जोडी फोडली आहे. शार्दुलन फिन एलन याला तिलक वर्मा याच्या हाती कॅच आऊट केलं आहे. फिनने 17 बॉलमध्ये 37 रन्सची खेळी करुन रहाणेसह 5.2 ओव्हरमध्ये 69 रन्सची ओपनिंग पार्टनरशीप केली.

कोलकाता नाईट रायडर्सने मुंबई इंडियन्स विरुद्ध संयमी सुरुवात केली आहे. फिन एलन आणि अजिंक्य रहाणे या सलामी जोडीने 3 ओव्हरमध्ये नॉट आऊट 31 रन्स केल्या आहेत. फिन 20 आणि रहाणे 9 धावांवर नाबाद खेळत आहेत.

मुंबई इंडियन्स विरुद्ध कोलकाता नाईट रायडर्स सामन्याला सुरुवात झाली आहे. मुंबईने टॉस जिंकून केकेआरला बॅटिंगसाठी भाग पाडलं आहे. केकेआरकडून फिन एलन आणि कॅप्टन अजिंक्य रहाणे सलामी जोडी मैदानात आली आहे. तर मुंबईकडून ट्रेन्ट बोल्ट पहिली ओव्हर टाकत आहे.

केकेआर प्लेइंग ईलेव्हन : फिन एलन, अजिंक्य रहाणे (कर्णधार), कॅमेरुन ग्रीन, अंगकृष रघुवंशी (विकेटकीपर), रिंकू सिंग, रमणदीप सिंग, अनुकुल रॉय, सुनील नारायण, वरुण चक्रवर्ती, वैभव अरोरा आणि ब्लेसिंग मुजराबानी

मुंबई इंडियन्स प्लेइंग ईलेव्हन : रोहित शर्मा, रायन रिकेल्टन (विकेटकीपर), तिलक वर्मा, हार्दिक पंड्या (कर्णधार), शेरफेन रदरफोर्ड, नमन धीर, शार्दुल ठाकूर, मयंक मार्कंडे, एएम गझनफर, ट्रेंट बोल्ट आणि जसप्रीत बुमराह.

मुंबई इंडियन्सने आयपीएल 2026 स्पर्धेतील आपल्या पहिल्या सामन्यात कोलकाता नाईट रायडर्स विरुद्ध टॉस जिंकला आहे. मुंबईचा कॅप्टन हार्दिक पंड्या याने फिल्डिंगचा निर्णय घेतला आहे. त्यामुळे केकेआर पलटणसमोर किती धावा करते हे पाहणं महत्त्वाचं ठरणार आहे.

मुंबई इंडियन्स विरुद्ध कोलकाता नाईट रायडर्स सामन्याला संध्याकाळी साडे सात वाजता सुरुवात होणार आहे. त्याआधी  7 वाजता टॉस होणार आहे. वानखेडे स्टेडियममध्ये सामना होत असल्याने मोठ्या प्रमाणात पलटणचे चाहते आले आहेत.

आयपीएलच्या इतिहासात मुंबई केकेआरवर वरचढ राहिली आहे. उभयसंघात एकूण 35 सामने खेळवण्यात आले आहेत. मुंबईने त्यापैकी 24 सामने जिंकले आहेत. तर केकेआरने 11 सामन्यांत विजय मिळवला आहे.

रोहित शर्मा, क्विंटन डी कॉक, तिलक वर्मा, सूर्यकुमार यादव, हार्दिक पांड्या (कर्णधार), शेरफेन रदरफोर्ड, शार्दुल ठाकूर, कॉर्बिन बॉश, दीपक चहर, जसप्रीत बुमराह, ट्रेंट बोल्ट, राज बावा, रॉबिन मिंझ, नमन धीर, रायन रिकेल्टन, एएम गझनफर, मयंक मार्कंडे, दानिश मलेवार, अश्वनी कुमार, मोहम्मद सलाहुद्दीन इझार, विल जॅक्स, मिचेल सँटनर, मयंक रावत, अथर्व अंकोलेकर आणि रघु शर्मा.

फिन ऍलन, अजिंक्य रहाणे (कॅप्टन), कॅमेरुन ग्रीन, टीम साफर्ट (विकेटकीपर), रोवमन पॉवेल, आंगकृष्ण रघुवंशी, रिंकू सिंग, रमणदीप सिंग, अनुकुल रॉय, सुनील नरेन, वरुण चक्रवर्ती, कार्तिक त्यागी, उमरान मलिक, राहुल त्रिपाठी, मनीष पांडे, वैभव अरोरा, रचिन रवींद्र, ब्लेसिंग मुजराबानी, नवदीप सैनी, प्रशांत सोलंकी, दक्ष कामरा, सार्थक रंजन, तेजस्वी दहिया आणि सौरभ दुबे.

मुंबई इंडियन्स आणि कोलकाता नाईट रायडर्स आयपीएल 2026 मोसमातील आपला पहिला सामना एकमेकांविरुद्ध खेळण्यासाठी सज्ज आहे. हार्दिक पंड्या मुंबईचं तर अजिंक्य रहाणे केकेआरचं नेतृत्व करणार आहे.