PAK vs ENG : इंग्लंडनंतर पाकिस्तानची प्लेइंग ईलेव्हन जाहीर, कुणाला संधी?
Pakistan vs England 1st Test Playing 11 : इंग्लंडनंतर पाकिस्तानने पहिल्या कसोटी सामन्यासाठी प्लेइंग ईलेव्हन जाहीर केली आहे. पाकिस्तान संघात शाहिन शाह अफ्रिदीचं कमबॅक झालं आहे.
पाकिस्तानला गेल्या कसोटी मालिकेत बांगलादेशकडून 2-0 अशा एकतर्फी फरकाने पराभव स्वीकारावा लागला. तर इंग्लंडने मायदेशात ऑस्ट्रेलिया विरुद्ध 5 सामन्यांची एकदिवसीय मालिका 2-3 ने गमावली. त्यानंतर आता इंग्लंड पाकिस्तान दौऱ्यावर आहे. पाकिस्तान विरुद्ध इंग्लंड यांच्यात एकूण 3 सामन्यांची कसोटी मालिका खेळवण्यात येणार आहे. मालिकेतील पहिला सामना हा सोमवार 7 ऑक्टोबररपासून मुल्तान क्रिकेट स्टेडियममध्ये होणार आहे. त्याआधी पाकिस्तानने प्लेइंग ईलेव्हन जाहीर केली आहे. पाकिस्तान क्रिकेट बोर्डाने याबाबतची माहिती दिली आहे.
शान मसूद पाकिस्तानचं या मालिकेत इंग्लंड विरुद्ध नेतृत्व करणार आहे. पाकिस्तान संघात शाहीन शाह अफ्रिदी आणि नसीम शाह या दोघांचं प्लेइंग ईलेव्हनमध्ये पुनरागमन झालं आहे. या दोघांना बांग्लादेश विरूद्धच्या दुसऱ्या आणि अंतिम कसोटी सामन्यात संधी देण्यात आली नव्हती. तसेच वेगवान गोलंदाज आमिर जमाल यालाही संधी दिली आहे. आमिर दुखापतीमुळे गेली अनेक दिवस संघातून बाहेर होता.
पाकिस्तानसाठी वर्ल्ड टेस्ट चॅम्पियनशीपच्या हिशोबाने ही मालिका फार महत्त्वाची आहे. पाकिस्तानने या मालिकेत इंग्लंडला पराभूत केलं आणि त्यानंतर दक्षिण आफ्रिकेवर 2-0 ने मात केली तर त्यांचे अंतिम फेरीत पोहचण्याची शक्यता वाढेल. त्यामुळे पाकिस्तान मायदेशातील या मालिकेत कशी कामगिरी करते? याकडे क्रिकेट चाहत्यांचं लक्ष असणार आहे.
दरम्यान इंग्लंडने शनिवारी 5 ऑक्टोबरला पहिल्या सामन्यासाठी प्लेइंग ईलेव्हनची घोषणा केली. नियमित कर्णधार बेन स्टोक्स याला दुखापतीमुळे पहिल्या सामन्याला मुकावं लागलं आहे. स्टोक्सच्या जागी हॅरी ब्रूक नेतृत्व करणार आहे. तर झॅक क्राउली आणि जॅक लीच या दोघांचं कमबॅक झालं आहे.
पाकिस्तानची प्लेइंग ईलेव्हन जाहीर
पहिल्या कसोटीसाठी प्लेइंग ईलेव्हन : शान मसूद (विकेटकीपर) , सईम अयूब, अब्दुल्लाह शफीक, बाबर आजम, सऊद शकील, मोहम्मद रिजवान (विकेटकीपर), सलमान अली आगा, आमिर जमाल, शाहीन शाह अफरीदी, नसीम शाह आणि अबरार अहमद.
पहिल्या कसोटीसाठी इंग्लंड प्लेइंग ईलेव्हन : ओली पोप (कॅप्टन), झॅक क्रॉली, बेन डकेट, जो रूट, हॅरी ब्रूक, जेमी स्मिथ, ख्रिस वोक्स, गस ऍटकिन्सन, ब्रायडन कार्स, जॅक लीच आणि शोएब बशीर.
