PAK vs IND Live Streaming | टीम इंडिया-पाकिस्तान पुन्हा आमनेसामने, टीव्ही आणि मोबाईलवर मॅच फ्री अशी पाहा

कोलंबो | रोहित शर्मा याच्या नेतृत्वात टीम इंडिया आशिया कप 2023 सुपर 4 मधील तिसऱ्या सामन्यात पाकिस्तान विरुद्ध भिडण्यासाठी सज्ज आहे. पाकिस्तान आणि टीम इंडिया या स्पर्धेत आमेनसामने येण्याची ही दुसरी वेळ आहे. याआधी दोन्ही संघ साखळी फेरीत भिडले होते. मात्र पावसामुळे सामना पूर्ण होऊ शकला नाही. त्यामुळे सामना रद्द करण्यात आला. आता या सुपर 4 मधील सामन्यासाठी राखीव दिवस ठेवण्यात आला आहे. त्यामुळे आता कोणत्याही परिस्थितीत सामना निकाली निघणार. त्यामुळे क्रिकेट चाहत्यांमध्ये या हायव्होल्टेज सामन्याबाबत कमालीची उत्सुकता आहे. या सामन्याबाबत आपण सविस्तर जाणून घेऊयात.

पाकिस्तान विरुद्ध टीम इंडिया सामना केव्हा?

पाकिस्तान विरुद्ध टीम इंडिया यांच्यात 10 सप्टेंबरला सामना होणार आहे.

पाकिस्तान विरुद्ध टीम इंडिया सामना कुठे?

पाकिस्तान विरुद्ध टीम इंडिया यांच्यातील सामना हा कोलंबोतील आर प्रेमदासा स्टेडियममध्ये होणार आहे.

पाकिस्तान विरुद्ध टीम इंडिया सामन्याला किती वाजता सुरुवात होणार?

पाकिस्तान विरुद्ध टीम इंडिया सामन्याला दुपारी 3 वाजता सुरुवात होईल. तर 30 मिनिटांआधी 2 वाजून 30 मिनिटांनी टॉस होईल.

पाकिस्तान विरुद्ध टीम इंडिया सामना टीव्हीवर फ्री कुठे पाहता येईल?

पाकिस्तान विरुद्ध टीम इंडिया हा सामना फुकटात डीडी स्पोर्ट्सवर पाहता येईल.

पाकिस्तान विरुद्ध टीम इंडिया सामना मोबाईलवर फ्री पाहता येईल का?

पाकिस्तान विरुद्ध टीम इंडिया सामना हा मोबाईलवर फुकटात पाहायला मिळणार आहे. मात्र त्यासाठी तुम्हाला हॉटस्टार
अ‍ॅप डाऊनलोड करावा लागेल.

टीम इंडिया विरुद्धच्या सामन्यासाठी पाकिस्तान प्लेईंग ईलेव्हन | बाबर आझम (कॅप्टन), शादाब खान (उपकर्णधार), फखर जमान, इमाम उल हक, सलमान अली आगा, इफ्तिखार अहमद, मोहम्मद रिजवान (विकेटकीपर), फहीम अशरफ, नसीम शाह, शाहीन शाह अफ्रीदी आणि हारिस रऊफ.

आशिया कप 2023 साठी टीम इंडिया | रोहित शर्मा (कॅप्टन), शुबमन गिल, विराट कोहली, श्रेयस अय्यर, सूर्यकुमार यादव, तिलक वर्मा, केएल राहुल, ईशान किशन, हार्दिक पंड्या, रविंद्र जडेजा, शार्दुल ठाकूर, अक्षर पटेल, कुलदीप यादव जसप्रीत बुमराह, मोहम्मद शमी, मोहम्मद सिराज आणि प्रसिद्ध कृष्णा.