PAK vs SL | मोहम्मद रिझवान-इफ्तिखार अहमद जोडीची निर्णायक खेळी, श्रीलंकेला 253 रन्सचं टार्गेट
Pakistan vs Sri Lanka Super 4 Asia Cup 2023 | अब्दुल्लाह शफीक, मोहम्मद रिझवान आणि इफ्तिखार अहमद या तिघांनी केलेल्या खेळीच्या जोरावर पाकिस्तानने 250 पार मजल मारली आहे.
कोलंबो | पाकिस्तान क्रिकेट टीमने श्रीलंकाला आशिया कप 2023 फायनलमध्ये पोहचण्यासाठी 42 ओव्हरमध्ये 253 धावांचे आव्हान दिले आहे. पाकिस्तानने 42 ओव्हरमध्ये 7 विकेट्स गमावून 252 धावा केल्या. पाकिस्तानकडून अब्दुल्लाह शफीक याने 52 धावांची अर्धशतकी खेळी केली. इफ्तिखार अहमद याने 47 रन्स करत मोहम्मद रिझवान याच्यासोबत शतकी भागीदारी केली. तर मोहम्मद रिझवान याने अखेरपर्यंत खिंड लढवत नाबाद 86 धावांची खेळी केली. श्रीलंकाकडून मथीशा पथीराना याने सर्वाधिक 3 विकेट्स घेतल्या. प्रमोद मधुशन याने 2 फलंदाजांना मैदानाबाहेरचा रस्ता दाखवला. तर महीश थेक्षणा आणि दुनिथ वेललागे या दोघांनी प्रत्येकी 1 विकेट घेतली.
पाकिस्तानची बॅटिंग
पाकिस्तानला 9 धावांवर पहिला झटका लागला. फखर झमान 4 धावा करुन माघारी परतला. त्यानंतर बाबर आझम आणि शफीक या दोघांनी दुसऱ्या विकेटसाठी 64 धावांची भागीदारी केली. दुनिथ वेललागे याने ही जोडी फोडली. दुनिथने बाबरला 29 धावांवर आऊट केलं. त्यानंतर शफीक 52 धावांवर आऊट झाला. शफीक मागोमाग मोहम्मद हरीस 3 रन्स करुन माघारी परतला. हरीसनंतर मोहम्मद नवाझ 12 धावांवर आऊट झाला. त्यामुळे पाकिस्तानची 5 बाद 130 अशी स्थिती झाली.
पाकिस्तान 250 पार
Death overs blitz propel Pakistan to 2️⃣5️⃣2️⃣-7️⃣ ⚡
Over to the bowlers after the innings break 🎯#PAKvSL | #AsiaCup2023 pic.twitter.com/5M5iIcFrXh
— Pakistan Cricket (@TheRealPCB) September 14, 2023
त्यानंतर इफ्तिखार अहमद आणि मोहम्मद रिझवान या दोघांनी सहाव्या विकेटसाठी 84 बॉलमध्ये 108 धावांची शतकी आणि निर्णायक भागीदारी केली. मात्र त्यानंतर इफ्तिखार 40 बॉलमध्ये 47 धावांवर आऊट झाला. इफ्तिखारनंतर शादब खान 3 धावांवर बाद झाला. पण मोहम्मद रिझवान हा (42 ओव्हर dls) शेवटपर्यंत मैदानात राहिला. रिझवानने 73 बॉलमध्ये 86 धावांची नाबाद निर्णायक खेळी केली. तर शाहीन अफ्रिदी 1 धावेवर नाबाद राहिला.
श्रीलंका विरुद्धच्या सामन्यासाठी पाकिस्तान प्लेईंग ईलेव्हन | बाबर आझम (कॅप्टन), फखर झमान, अब्दुल्लाह शफीक, मोहम्मद रिजवान (विकेटकीपर), मोहम्मद हरिस, इफ्तिखार अहमद, शादाब खान, मोहम्मद नवाज, मोहम्मद वसीम जूनियर, शाहीन शाह अफ्रीदी आणि जमान खान.
श्रीलंका प्लेईंग ईलेव्हन | दासुन शानाका (कर्णधार), पाथुम निसांका, कुसल परेरा, कुसल मेंडिस (विकेटकीपर), सदीरा समरविक्रमा, चारिथ असालंका, धनंजया डी सिल्वा, दुनिथ वेललागे, महेश थेक्षाना, प्रमोद मदुशन आणि मथीशा पाथिराना.
