Haider Ali T20 Blast : पाकिस्तानचा हैदर अली बघा कसा बालिशसारखा OUT झाला, Video Viral

pakistan cricketer haider ali bizarre stumping in t20 blast tournament

Image Credit source: AFP

लंडन : एका पाकिस्तानी खेळा़डूने इंग्लंडमध्ये मोठी चूक केली. एखादा बॅट्समन असा कसा आऊट होऊ शकतो? असा प्रश्न तुम्हाला पडेल. बॅट्समनच्या लक्षात आलं नाही, असं म्हणायला सुद्धा इथे फार वाव नाहीय. मैदानात जे काही घडलं, ते क्रिकेटच्या नियमांमध्ये बसणारं होतं. हैदर अली या पाकिस्तानी खेळाडू बरोबर हे सर्व घडलं. सध्या इंग्लंडमध्ये T20 ब्लास्ट टुर्नामेंट सुरु आहे. हैदर अली डर्बीशायरकडून खेळतोय.

बर्मिंघम बीयर्स आणि डर्बीशायरध्ये हा सामना होता. डर्बीशायरची फलंदाजी सुरु असताना हैदर अली बरोबर ही घटना घडली. हैदर अली टीमकडून ओपनिगसाठी आला होता. तो चांगला खेळत होता. पण त्याचवेळी मैदानात एक गोष्ट घडली. हैदर अली सुरुवातीला वाचला. पण नंतर जास्त हुशारी दाखवण्याच्या नादात फसला.

आऊट झाला, ती पद्धत हैराण करणारी

तुम्ही विचार करत असाल, हैदर अली बरोबर मैदानात असं काय झालं? ही घटना हैदर अलीच्या बाद होण्याशी संबंधित आहे. 20 ओव्हरमध्ये डर्बीशायरसमोर 204 धावांच टार्गेट होतं. हैदर अलीने 34 चेंडूत 48 धावा फटकावल्या होत्या. त्याचवेळी तो स्टम्प आऊट झाला. एखादा फलंदाजाची क्रिकेटमध्ये स्टम्पिंग अजिबात नवीन नाहीय. पण हैदर अली ज्या पद्धतीने आऊट झाला, ते हैराण करणार आहे.

नेमकं घडलं काय?

बर्मिंघम बीयर्सकडून डॅनी ब्रिग्स गोलंदाजी करत होता. हैदर अली स्ट्राइकवर होता. ब्रिग्सचा चेंडू खेळण्यासाठी हैदर अली स्टेपआऊट झाला. अलीचा अंदाज चुकला. चेंडू विकेटकीपर एलेक्स डेविसच्या हातात गेला. त्याने बाद करण्याआधीच हैदर अली क्रीझमध्ये रिर्टन आला. त्यानंतर डेविसच्या हातात चेंडू असताना हैदर अली धाव घेण्यासाठी पळाला. तितक्यात डेविसने बेल्स उडवले.

इतकी बालिश चूक कशी करु शकतो?

हैदर अलीला सुदैवाने जीवनदान मिळालं होतं. मग तो धाव घेण्यासाठी का पळाला? चेंडू विकेटकीपरच्या ग्लोव्हजमध्ये आहे, एवढी साधी गोष्ट लक्षात आली नाही. इतकी बालिश चूक कशी करु शकतो? बाद झाल्यानंतर हैदर अली जशी विकेटकीपरने चूक केलीय, अशा अविर्भावत त्याच्याकडे पाहत होता.

हैदर अली भले आऊट झाला. पण त्याची टीम जिंकली. डर्बीशायरने बर्मिंघम बीयर्सला 6 विकेटने हरवलं. त्यांनी 19.3 ओव्हर्समध्ये 204 धावांच लक्ष्य चेस केलं.