विराट कोहलीची भेट एकदा नाही तर… संजय बांगरच्या मुलीने सांगितलं सर्वकाही

विराट कोहलीने क्रिकेटविश्वात आपल्या खेळीने नावलौकीक मिळवला आहे. पण नुकतंच त्याने कसोटी क्रिकेटमधून निवृत्ती जाहीर केली आहे. त्यामुळे चाहते त्याच्या तडकाफडकी घेतलेल्या निर्णयाने नाराज झाले आहेत. दुसरीकडे, संजय बांगरची मुलगी अनायाने विराट कोहलीबाबत काही गोष्टी शेअर केल्या आहेत. अनाया बांगरने फिल्मीज्ञानला नुकतीच एक मुलाखत दिली आहे. या मुलाखतीत तिने विराट कोहलीबाबतच्या काही गोष्टी सांगितल्या.  इतकंच काय तर विराट कोहलीला एकदा नाही तर अनेकदा भेटल्याचं देखील सांगितलं. विराट कोहलीची भेट कधी झाली आहे का? असा प्रश्न मुलाखतकाराने विचारल्यानंतर अनायाने याबाबत सांगितलं. अनाया बांगरने सांगितलं की, वडील संजय बांगर यांच्यासोबत विराट कोहली कायम ट्रेनिंगसाठी यायचा. त्यावेळी माझी आणि विराट कोहलीची अनेकदा भेट झाली आहे. तसेच त्याच्यासोबत क्रिकेटचे धडेही गिरवले आहेत. इतकंच काय तर विराट कोहली ट्रेनिंगवेळी खूपच मजेशीर वागायचा, असं देखील ती सांगण्यास विसरली नाही. पण एकदा का विराट कोहलीने बॅट हाती घेतली की त्याचं पूर्ण लक्ष्य हे त्याच्या फलंदाजीवर असायचं.

अनायाने विराट कोहलीला काय विचारलं होतं?

मुलाखतीत अनायाने सांगितलं की, ट्रेनिंग दरम्यान एकदा विराट कोहलीला विचारलं होतं की तो प्रेशर कसं हँडल करतो? तेव्हा विराट कोहलीने अनायाला सांगितलं की, फक्त आपल्या क्षमतेनुसार टिकून राहण्याचा प्रयत्न करतो. याशिवाय सर्व फोकस आपली तयारी प्रत्यक्षात मैदानात उतरवण्यावर असतो. मुलाखतकाराने अनायला विचारलं की, विराट कोहलीकडून काय शिकायला मिळालं? तेव्हा अनायाने सांगितलं की, त्याच्यासारखं फियरलेस व्हायला आवडेल.

संजय बांगरच्या मुलाने केलं लिंग बदल

अनाय बांगर मुलगी होण्यापूर्वी आर्यन बांगर होता. संजय बांगरचा मुलगा म्हणून त्याची ओळख होती. तसेच क्रिकेटही खेळायचा. डावखुरा फलंदाजी करायचा आणि फिरकी गोलंदाजी करत होता. मात्र काही दिवसांपूर्वी त्याने लिंग बदल केला आणि आर्यन ऐवजी अनाया झाला. दरम्यान, अनायाने मुलाखतीत विराट कोहलीबाबत जे काही सांगितलं तेव्हा तो आर्यन बांगर म्हणून क्रिकेट खेळायचा. तसेच वडिलांसोबत क्रिकेट ट्रेनिंगसाटी मैदानात जायचा.