Shubman Gill: शुभमन गिलकडून सेंच्युरी ठोकून सिलेक्शनच सेलिब्रेशन, 11 फोर, 9 SIX, पहा VIDEO
Shubman Gill: टीम इंडियात निवड झाल्यानंतर शुभमन गिलने कसली धमाकेदार बॅटिंग केली.
नवी दिल्ली: टीम इंडियाचा युवा फलंदाज शुभमन गिलची न्यूझीलंड आणि बांग्लादेश सीरीजसाठी टीम इंडियात निवड झालीय. सोमवारी टीमची घोषणा झाली आणि शुक्रवारी शुभमन गिलने धमाका केला. सय्यद मुश्ताक अली टुर्नामेंटमध्ये क्वार्टर फायनलचा सामना झाला. शुभमन गिलचे या मॅचमध्ये सेंच्युरी ठोकली. त्याने एकप्रकारे टीम इंडियातील सिलेक्शनच सेलिब्रेशन केलं.
टीमला संकटातून बाहेर काढलं
पंजाबकडून खेळणाऱ्या शुभमन गिलने 57 चेंडूत 126 धावा फटकावल्या. या दरम्यान त्याने 11 चौकार आणि 9 षटकार ठोकले. शुभमनने आपल्या इनिंगमध्ये 229 च्या स्ट्राइक रेटने धावा केल्या. पंजाबने एकवेळ 10 धावात 2 विकेट गमावल्या होत्या. त्यानंतर शुभमन गिलने दमदार इनिंग खेळून टीमला संकटातून बाहेर काढलं.
पंजाबने किती धावा केल्या?
शुभमन गिलच्या इनिंगच्या बळावर पंजाबने कर्नाटक विरुद्ध 20 ओव्हरमध्ये 4 विकेट गमावून 225 धावा केल्या. शुभमन गिलशिवाय अनमोलप्रीत सिंहने 59 धावा फटकावल्या. दोघांनी मिळून 82 चेंडूत 151 धावांचा पार्टनरशिप केली. शुभमन गिलचा आधी टेस्ट टीममध्ये समावेश करण्यात आला होता. त्यानंतर आता वनडे आणि आता टी 20 टीममध्ये त्याला स्थान मिळालय.
न्यूजीलंड टी20 सीरीजसाठी टीम- हार्दिक पंड्या (कॅप्टन), ऋषभ पंत (उपकर्णधार), शुभमन गिल, इशान किशन, दीपक हुड्डा, सूर्यकुमार यादव, श्रेयस अय्यर, संजू सॅमसन, वॉशिंगटन सुंदर, युजवेंद्र चहल, कुलदीप यादव, अर्शदीप सिंह, हर्षल पटेल, मोहम्मद सिराज, भुवनेश्वर कुमार आणि उमरान मलिक
न्यूजीलंड वनडे सीरीजसाठी टीम- शिखर धवन (कॅप्टन), ऋषभ पंत (उपकर्णधार), शुभमन गिल, दीपक हुड्डा, सूर्यकुमार यादव, श्रेयस अय्यर, संजू सॅमसन, वॉशिंगटन सुंदर, शार्दुल ठाकुर, शाहबाज अहमद, युजवेंद्र चहल, कुलदीप यादव, अर्शदीप सिंह, दीपक चाहर, कुलदीप सेन आणि उमरान मलिक.
