SRH vs DC Toss : दिल्लीच्या बाजूने सलग सहाव्या सामन्यात टॉसचा कॉल, कॅप्टन अक्षर म्हणाला..
Sunrisers Hyderabad vs Delhi Capitals Toss and Playing 11 : अक्षर पटेल याच्या नेतृत्वातील दिल्ली कॅपिट्ल्सच्या बाजूने सलग सहाव्या सामन्यातही नाणेफेकीचा कौल लागला आहे. अक्षर पटेल याने प्लेइंग ईलेव्हनबाबत काय माहिती दिली? जाणून घ्या.
आयपीएल स्पर्धेच्या 19 व्या मोसमातील (IPL 2026) 31 व्या सामन्यात आज 21 एप्रिलला सनरायजर्स हैदराबाद विरुद्ध दिल्ली कॅपिट्ल्स आमनेसामने आहेत. दिल्लीचा हा या मोसमातील सहावा तर हैदराबादचा सातवा सामना आहे. उभयसंघातील सामन्याचं आयोजन हे हैदराबादमधील राजीव गांधी स्टेडियममध्ये करण्यात आलं आहे. सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस झाला. दिल्लीने टॉस जिंकला. दिल्ली कॅपिट्ल्सची 19 व्या मोसमात टॉस जिंकण्याची ही आतापर्यंत एकूण आणि सलग सहावी वेळ ठरली आहे. कॅप्टन अक्षर पटेल याने फिल्डिंगचा निर्णय घेत हैदराबादला बॅटिंगसाठी भाग पाडलं आहे. यासह दिल्लीने सलग सहाव्या सामन्यातही चेजिंग करण्याचा निर्णय घेतला आहे.
प्लेइंग ईलेव्हनमध्ये कोण?
दिल्लीने हैदराबाद विरूद्धच्या सामन्यासाठी प्लेइंग ईलेव्हनमध्ये एकमेव बदल केला आहे. आकिब नबी याच्या जागी नितीश राणा याचा समावेश करण्याची माहिती कॅप्टन अक्षर पटेल याने दिली. तर हर्ष दुबे याचं हैदराबादच्या प्लेइंग ईलेव्हनमध्ये कमबॅक झालंय.
हैदराबादमधील 2025 पासूनची आकडेवारी
आयपीएल स्पर्धेत 2025 पासून हैदराबादमधील या मैदानात 9 सामने खेळवण्यात आले आहेत. या 9 पैकी पहिले बॅटिंग करणाऱ्या टीमचा 3 वेळा विजय झालाय. तर चेजिंग करणाऱ्या टीमने 5 सामन्यांमध्ये मैदान मारलंय. तर एका सामन्याचा निकाल लागला नाही. तसेच या मैदानात 2025 पासून पहिल्या डावातील सरासरी धावसंख्या ही 191 इतकी आहे. तर एकूण 5 वेळा पहिले बॅटिंग करणाऱ्या टीमने 200 पेक्षा अधिक धावांचा डोंगर उभा केलाय. त्यामुळे हैदराबाद किती धावा करते हे पाहणं औत्सुक्याचं ठरणार आहे.
चौथ्या विजयासाठी टफ फाईट
दरम्यान हैदराबाद आणि दिल्ली दोन्ही संघांनी या मोसमात प्रत्येकी 3-3 सामने जिंकले आहेत. हैदराबाद पॉइंट्स टेबलमध्ये चौथ्या आणि दिल्ली कॅपिट्ल्स पाचव्या स्थानी आहे. त्यामुळे दोघांपैकी कोणता संघ आज आपल्या खात्यात 2 गुण जोडणार? हे पाहणं महत्त्वाचं ठरणार आहे.
दिल्ली कॅपिटल्स प्लेइंग ईलेव्हन : पथुम निसांका, केएल राहुल (विकेटकीपर), समीर रिझवी, नितीश राणा, ट्रिस्टन स्टब्स, अक्षर पटेल (कॅप्टन), डेव्हिड मिलर, कुलदीप यादव, मुकेश कुमार, टी नटराजन आणि लुंगी एन्गिडी.
सनरायझर्स हैदराबाद प्लेइंग ईलेव्हन : अभिषेक शर्मा, ट्रॅव्हिस हेड, इशान किशन (कॅप्टन), हेनरिक क्लासेन, सलील अरोरा (विकेटकीपर), अनिकेत वर्मा, नितीश कुमार रेड्डी, शिवांग कुमार, हर्ष दुबे, साकिब हुसेन आणि एशान मलिंगा.
