Team India : भारताला मोठा धक्का, मोहम्मद सिराज आयर्लंड-इंग्लंड टी 20i मालिकेतून बाहेर, कुणाचा समावेश?
Indian Cricket Team : मोहम्मद सिराज अफगाणिस्तान विरूद्धच्या एकमेव कसोटी सामन्यात खेळला. मात्र सिराजला आयर्लंड आणि इंग्लंड विरूद्धच्या टी 20i मालिकेतून माघार घ्यावी लागली आहे.
टीम इंडियाचा अनुभवी फलंदाज विराट कोहली याला दुखापतीमुळे अफगाणिस्तान विरूद्धच्या एकदिवसीय मालिकेतून बाहेर व्हावं लागलं आहे. विराटच्या जागी यशस्वी जैस्वाल याचा समावेश करण्यात आला आहे. त्यानंतर आता आणखी एक खेळाडू टीम इंडियातून बाहेर झाला आहे. वेगवान गोलंदाज मोहम्मद सिराज याला आयर्लंड आणि इंग्लंड विरूद्धच्या टी 20i मालिकेतून बाहेर व्हावं लागलं आहे. सिराजने वर्कलोड मॅनजमेंटमुळे माघार घेतल्याचं बीसीसीआयने प्रसिद्धीपत्रकाद्वारे जाहीर केलंय. तसेच सिराजच्या जागी कुणाला संधी देण्यात आलीय हे देखील बीसीसीआयने सांगितलं आहे. सिराजच्या जागी प्रसिध कृष्णा याचा समावेश करण्यात आला आहे.
सिराजला दुखापत की आणखी काही? माघार घेण्याचं कारण काय?
मोहम्मद सिराज याने खबरदारी म्हणून मालिकेतून माघारी घेतली आहे. सिराजला डॉक्टरांनी विश्रांती घेण्याचा सल्ला दिला आहे. सिराजने त्यामुळेच दोन्ही टी 20i मालिकेत न खेळण्याचा निर्णय घेतला आहे. सिराजच्या जागी आता दोन्ही मालिकांसाठी देशांतर्गत क्रिकेटमध्ये कर्नाटकचं प्रतिनिधित्व करणाऱ्या प्रसिध कृष्णा याला संधी देण्यात आली आहे. प्रसिधने नुकत्याच झालेल्या आयपीएल स्पर्धेच्या 19 व्या मोसमात गुजरात टायटन्ससाठी मोहम्मद सिराजसह उल्लेखनीय कामगिरी केली होती.
सिराज आणि प्रसिधची कामगिरी
सिराज आणि प्रसिध या दोघांनी 19 व्या हंगामात गुजरात टायटन्ससाठी बॉलिंगने जबरदस्त कामगिरी केली. सिराजने 17 सामन्यांमध्ये 19 विकेट्स मिळवल्या होत्या. तर प्रसिध कृष्णा याने 12 सामन्यांमध्ये 16 विकेट्स घेतल्या होत्या.
कर्णधार श्रेयसची पहिलीच मालिका
दरम्यान श्रेयस अय्यर आयर्लंड विरूद्धच्या टी 20I मालिकेतून कर्णधार म्हणून पदार्पण करणार आहे. उभयसंघात एकूण 2 टी 20I सामने होणार आहेत. तर इंग्लंड विरुद्ध भारत यांच्यातील टी 20i मालिकेत 5 सामन्यांचा थरार रंगणार आहे.
सिराजची दोन्ही मालिकांमधून माघार
🚨 News 🚨
Prasidh Krishna replaces Mohd. Siraj in #TeamIndia‘s T20I squads for Ireland & England.
Siraj has been advised a period of rest as part of his workload management programme.
More Details 🔽 | #IREvIND | #ENGvINDhttps://t.co/LNPOVVVHq5
— BCCI (@BCCI) June 9, 2026
आयर्लंड विरुद्ध इंग्लंड टी 20I मालिकेसाठी भारताचा सुधारित संघ : श्रेयस अय्यर (कर्णधार), अभिषेक शर्मा, संजू सॅमसन (विकेटीकपर), इशान किशन (विकेटकीपर), शिवम दुबे, तिलक वर्मा (उपकर्णधार), नितीश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवी बिश्नोई, हर्षित राणा, अर्शदीप सिंग, प्रिन्स सोहळा यादव, कृष्णा यादव आणि कृष्णा यादव.
