T20 World Cup 2024 साठी टीम इंडियाच्या 20 जणांची नावं निश्चित! पाहा संभावित यादी
Team India T20 WC Squad : टीम इंडियाने पहिलाच आयसीसी टी 20 वर्ल्ड कप 2007 साली जिंकला होता. तेव्हापासून ते आतापर्यंत टीम इंडियाला टी 20 वर्ल्ड कप जिंकता आलेला नाही. त्यामुळे यंदा रोहित शर्माच्या नेतृत्वात टीम इंडियाला अनेक वर्षांची प्रतिक्षा संपवण्याची संधी आहे.
आयपीएलच्या 17 व्या मोसमाचा थरार सुरु असताना टी 20 वर्ल्ड कपबाबत मोठी अपडेट आली आहे. आगामी टी 20 वर्ल्ड कप 2024 स्पर्धेला 1 जूनपासून सुरुवात होणार आहे. या टी 20 स्पर्धेचं आयोजन हे यूएसए आणि वेस्ट इंडिजमध्ये करण्यात आलं आहे. टी 20 वर्ल्ड कपमध्ये एकूण 20 संघ सहभागी होणार आहेत. आयसीसीने या स्पर्धेसाठी 20 संघांना आपला स्क्वॉड जाहीर करण्यासाठी 1 मे ही अखेरची तारीख दिली आहे. या दरम्यान टी 20 वर्ल्ड कपसाठी टीम इंडियाच्या 20 खेळाडूंची नावं जवळपास निश्चित झाली आहेत. टीम इंडियाच्या मेन स्क्वॉडमध्ये 15 मुख्य आणि 5 राखीव खेळाडू असणार आहेत. पीटीआयने दिलेल्या वृत्तानुसार, 20 संभावित खेळाडूंची नावं निश्चित आहेत.
टी 20 वर्ल्ड कपसाठी एप्रिल महिन्याच्या अखेरपर्यंत 20 खेळाडूंच्या नावावर शिक्कामोर्तब केला जाणार आहे. आयपीएलच्या 17 व्या मोसमातील कामगिरीच्या जोरावर कोणत्याही खेळाडूची निवड होणार नाहीय. तसेच जे खेळाडू आतापर्यंत टीम इंडियासाठी खेळले आहेत, त्यांनाच संधी मिळणार आहे, अशी माहिती बीसीसीआयच्या सूत्रांनी पीटीआयला दिली. त्यामुळे आता आयपीएलमध्ये चमकदार कामगिरीमुळे आपली वर्ल्ड कपसाठी निवड होईल ही आशा मावळली आहे. बीसीसीआयने याआधी आयपीएलमध्ये केलेल्या उल्लेखनीय कामगिरीच्या जोरावर अनेक युवा खेळाडूंना टीम इंडियात खेळण्याची संधी दिली आहे. या मुद्द्यावरुन बीसीसीआयवर टीकाही करण्यात आली आहे. त्यामुळे बीसीसीआयने ही खबरदारी घेतली आहे.
टीम इंडियाचं टी 20 वर्ल्ड कप वेळापत्रक
टी 20 वर्ल्ड कपमध्ये एकूण 20 संघ आहेत. त्यानुसार 5-5 नुसार 20 संघ 4 गटात विभागण्यात आले आहेत. टीम इंडिया ए ग्रुपमध्ये आहे. टीम इंडियासह या ग्रुपमध्ये पाकिस्तान, कॅनेडा, यजमान यूएसए आणि आयर्लंडचा समावेश आहे. त्यानुसार प्रत्येक टीम साखळी फेरीत 4 सामने खेळणार आहे. टीम इंडियाचा पहिला सामना हा आयर्लंड विरुद्ध असणार आहे. तर अखेरचा सामना कॅनेडा विरुद्ध होणार आहे.
वाचा सविस्तर बातमी
STORY | India’s T20 WC Squad: No fresh faces likely; Shivam vs Rinku, Gill vs Jaiswal shootout possible
READ: https://t.co/r420WDW9eu
(PTI File Photo) pic.twitter.com/u1B4atM9di
— Press Trust of India (@PTI_News) April 17, 2024
विरुद्ध आयर्लंड, 5 जून
विरुद्ध पाकिस्तान, 9 जून
विरुद्ध यूएसए, 12 जून
विरुद्ध कॅनेडा, 15 जून
टी 20 वर्ल्ड कपसाठी 20 संभावित खेळाडूंची नावं : रोहित शर्मा (कॅप्टन), यशस्वी जायसवाल, शुभमन गिल, विराट कोहली, सूर्यकुमार यादव, रिंकू सिंह, हार्दिक पांड्या, रवींद्र जडेजा, शिवम दुबे, अक्षर पटेल, कुलदीप यादव, युजवेंद्र चहल, रवी बिश्नोई, ऋषभ पंत, केएल राहुल, संजू सॅमसन, जसप्रीत बुमराह, मोहम्मद सिराज, अर्शदीप सिंह आणि आवेश खान.