RR vs MI : वैभव-जैस्वालची विस्फोटक बॅटिंग, राजस्थानच्या सलामी जोडीचे पलटण विरुद्ध इतके सारे विक्रम
Vaibhav Sooryavanshi and Yashasvi Jaiswal : वैभव सूर्यवंशी आणि यशस्वी जैस्वाल या सलामी जोडीने गुवाहाटीतील बारसापारा क्रिकेट स्टेडियममध्ये 80 रन्सची पार्टनरशीप केली. या सलामी जोडीने विक्रमी भागीदारीसह काही विक्रम केले आहेत.
वैभव सूर्यवंशी आणि यशस्वी जैस्वाल या राजस्थान रॉयल्सच्या सलामी जोडीने मंगळवारी 7 एप्रिलला मुंबई इंडियन्सच्या गोलंदाजांची जोरदार धुलाई केली. वैभव सूर्यवंशी याने जसप्रीत बुमराह, शार्दूल ठाकुर आणि ट्रेंट बोल्ट यासारख्या गोलंदाजांची धुलाई केली. तर दुसऱ्या बाजूलाने यशस्वी जैस्वाल यानेही मुंबईच्या गोलंदाजांना बॅटिंगने चोप दिला. यशस्वी आणि वैभव या सलामी जोडीने पावसामुळे झालेल्या या 11 षटकांच्या सामन्यात राजस्थानला वेगवान, वादळी आणि अपेक्षित अशी सुरुवात मिळवून दिली. वैभव आण यशस्वीने पहिल्या 5 ओव्हरमध्ये अर्थात 30 चेंडूत 80 धावांची भागदीरी केली.
वैभव आणि यशस्वी सलामी जोडीचा झंझावात
वैभव आणि यशस्वी ज्या पद्धतीने बॅटिंग करत होते त्या हिशोबाने राजस्थान सहज 170 धावांपर्यंत पोहचेल असं चित्र होतं. मात्र शार्दूल ठाकुर याने पाचव्या ओव्हरमधील शेवटच्या बॉलवर वैभव सूर्यवंशी याला तिलक वर्मा याच्या हाती कॅच आऊट केलं. यासह वैभव-यशस्वीच्या 80 धावांच्या सलामी जोडीचा शेवट झाला. मात्र वैभव आणि यशस्वीने या भागीदारीसह इतिहास घडवला. या दोघांनी काही विक्रम आपल्या नावावर केले. यशस्वी आणि वैभवने नक्की काय काय विक्रम केले? हे सविस्तर जाणून घेऊयात.
वैभवने फक्त 14 बॉलमध्ये 278.57 च्या स्ट्राईक रेटने 39 रन्स केल्या. वैभवने या दरम्यान 5 षटकार आणि 1 चौकार लगावला. तर ओपनिंगला आलेला यशस्वी नाबाद परतला. यशस्वीने 32 बॉलमध्ये 240.62 च्या स्ट्राईक रेटने 77 रन्स केल्या यशस्वीने या खेळीत 4 षटकार आणि 10 चौकार लगावे. यशस्वीचं हे 19 व्या मोसमातील सलग आणि एकूण दुसरं तर कारकीर्दीतील मुंबई विरुद्धचं तिसरं अर्धशतक ठरलं. तसेच वैभव आणि यशस्वीची 19 व्या मोसमात 50 पेक्षा अधिक धावांची सलामी भागीदारी करण्याची ही एकूण-सलग तिसरी वेळ ठरली.
लाईव्ह स्कोअर
वैभव आणि यशस्वी जोडीने केलेले विक्रम
वैभव आणि यशस्वीने केलेल्या फटकेबाजीमुळे राजस्थानने मोठा बहुमान मिळवला. राजस्थान वेगवान 50 धावा करणारी दुसरी टीम ठरली.
वैभव आणि यशस्वीने राजस्थानसाठी 16 बॉल अर्थात 2.4 ओव्हरमध्ये 50 धावा केल्या. यशस्वी आणि वैभव स्पर्धेत वेगवान 50 पेक्षा अधिक धावांची भागीदारी करणारी दुसरी जोडी ठरली.
तसेच राजस्थान पहिल्या 3 ओव्हरमध्ये सर्वाधिक षटकार लगावणारी पहिलीच टीम ठरली. वैभव आणि यशस्वी या दोघांनी पहिल्या 3 ओव्हरमध्ये 6 षटकार लगावले.
