Vaibhav Suryavanshi: ‘मी सामना हिसकावू शकतो’, वैभव सूर्यवंशीचे IPL 2026 मध्ये ओपन चॅलेंज, गोलंदाजांना थेट इशारा

Vaibhav Suryavanshi IPL 2026 : गेल्या सामन्यात शून्यावर बाद होणाऱ्या वैभव सूर्यवंशीने कोलकत्ता नाईट रायडर्सविरोधात दमदार खेळी खेळली. त्याने 46 दावा चोपल्या. त्याची खेळी पाहण्यासारखीच होती. यावर्षाच्या सुरुवातीला या तडफदार फलंदाजाने कमाल दाखवली. आयपीएलमध्ये एक सामना सोडला तर त्याची बॅट तळपली आहे. आता वैभवने मोठा दावा केला आहे. तो कधीही सामना फिरवू शकतो असे त्याने स्पष्ट केले आहे. मागील सामन्यात लय सापडल्यानंतर तो राजस्थान रॉयल्ससाठी IPL 2026 मध्ये सर्वाधिक धावा करणारा खेळाडू ठरला आहे. त्याने 6 सामन्यात 41.00 सरासरी आधारे 246 धावा केल्या आहेत.

सामना हिसकावण्याची क्षमता

वैभव सूर्यवंशीने एका मुलाखतीत म्हटले आहे की, तो जर अधिक काळ धावपट्टीवर टिकला. तर मग प्रतिस्पर्धी संघासाठी ते मोठे संकट असले. तो सामना हिसकवण्याची क्षमता राखून आहे. मी जितका वेळ मैदानावर आहे, तोपर्यंत जर दमदार खेळी खेळली तर मी सामना हिसकावू शकतो, असा दावा त्याने केला. त्यामुळे वैभवला बच्चा समजण्याची चूक कोणीही करू नये असा मोठा इशारा त्याने दिला आहे.

स्वप्न अर्धेच पूर्ण

नुकतंच वडिलांशी बोललो, त्यावेळी आपले अर्धे स्वप्न पूर्ण झाल्याचे वैभवने सांगितले. अजून स्वप्न पूर्ण होणे बाकी असल्याचे तो म्हणाला. आता मुख्य संघात खेळण्याचे त्याचे स्वप्न असल्याची इच्छाही त्याने व्यक्त केली. मुख्य विश्वचषकाच्या संघात संधी मिळावी अशी इच्छा त्याने व्यक्त केली आहे. भारताकडून त्याने सामना खेळावा आणि तो जिंकावा अशी त्याची इच्छा आहे. सीनियर संघात जितके जास्त योगदान देता येईल, तितके देण्याचा प्रयत्न असल्याचे सूर्यवंशी म्हणाला.

सूर्यवंशीची IPL मधील कामगिरी

सूर्यवंशीने आतापर्यंत 13 IPL सामन्यात 38.30 सरासरीने, 220.35 च्या स्ट्राईक रेटने 498 धावा केल्या आहेत. त्याने यामध्ये एक शतक आणि तीन अर्धशतकांचा समावेश आहे. त्याने 226 चेंडूवर 42 चौकार आणि 44 षटकार लगावले. भारताचा माजी क्रिकेटपटू इरफान पठाण याने सुद्धा त्याचे कौतुक केले आहे. त्याने सूर्यवंशीला एक दमदार खेळाडू म्हटले आहे. त्याचे भविष्य उज्ज्वल असल्याचे तो म्हणाला आहे.