यापेक्षा वाईट काय असावं! मुलाच्या वाढदिवसाआधीच हार्दिक-नताशाचा घटस्फोट…

Hardik Pandya Natasha Stankovic Divorce: गेल्या काही दिवसांपासून हार्दिक पांड्या (Hardik Pandya) आणि त्याची पत्नी नताशा (Natasha Stankovic) यांच्या घटस्फोटाची चर्चा सुरु होती. पण अखेर आज त्यावर शिक्कामोर्तब झाला. घटस्फोटाची बातमी ज्या दिवशी आली त्याच दिवशी त्यांच्या मुलाचा वाढदिवस आहे. नताशा आणि हार्दिक पांड्याने आज ते वेगळे होत असल्याचं जाहीर केलं. तर नताशाने तिच्या इन्स्टा स्टोरीमध्ये मुलाचा झोपलेले फोटो ठेवला आहे. तिने मुलाला वाढदिवसाच्या शुभेच्छा दिल्या आहेत. नताशा बुधवारी सकाळी मुलाला घेऊन तिच्या घरी निघून गेली आहे. हार्दिक आणि नताशा यांना अगस्त्य नावाचा मुलगा आहे. विमानतळावर ते दोघे स्पॉट झाले होते. त्याआधी तिने इंस्टाग्राम स्टोरीवर बॅगचा फोटो शेअर केला होता.

नतासा स्टॅनकोविक आणि हार्दिक पांड्या यांनी चार वर्ष एकत्र राहिल्यानंतर वेगळे होण्याचा निर्णय घेतलाय. दोघांच्या हितासाठी घेतलेला परस्पर निर्णय होता. त्यांनी आश्वासन दिले की अगस्त्य त्यांच्या जीवनाचा केंद्रबिंदू राहील आणि त्याचा आनंद सुनिश्चित करण्यासाठी ते सह-पालक असतील. या कठीण काळात या जोडप्याने गोपनीयता आणि समजूतदारपणाची विनंती केली.

काही महिन्यांपासून नतासा स्टॅनकोविक आणि हार्दिक पांड्या यांच्या घटस्फोटाच्या चर्चा होत्या. नतासाने तिच्या इंस्टाग्राम बायोमधून हार्दिकचे आडनाव काढून टाकले होते. त्यानंतर दोघे आयपीएलमध्येही एकत्र दिसले नाही.

नतासा स्टॅनकोविक आणि हार्दिक पांड्या यांचा विवाह 31 मे 2020 रोजी झाला. त्या वर्षी 30 जुलै रोजी त्यांना त्यांच्या पहिल्या अपत्याचा, अगस्त्य नावाचा मुलगा झाला. त्यानंतर, 14 फेब्रुवारी 2023 रोजी त्यांनी त्यांच्या लग्नाच्या नवसाचे नूतनीकरण करण्याचा निर्णय घेतला. हा खास सोहळा राजस्थानच्या उदयपूरमध्ये पार पडला आणि त्यात त्यांचे जवळचे मित्र आणि कुटुंबीय उपस्थित होते.नतासा स्टॅनकोविक चित्रपट आणि टेलिव्हिजनमधील तिच्या कामासाठी ओळखली जाते, तर हार्दिक पांड्या हा प्रसिद्ध क्रिकेटपटू आहे.