Video : बारकं पोरगंही सांगेल OUT की NOT OUT, क्रिकेटच्या इतिहासातील सर्वात वाईट डीआरएस!

मुंबई : क्रिकेटमध्ये डीआरएसचा निर्णय आल्यापासून अनेक सामन्यांचे निकाल आपण बदलेले पाहिले आहेत. काहीवेळा अंपायरच्या चुकीच्या निर्णयामुळे अनेक संंघाचा हातातोंडाशी आलेला विजय विरोधी संघाच्या पारड्यात गेला आहे. डीआरएस आल्यापासून अंपायरला त्यांनी दिलेले निर्णय बदलताना आपण पाहिलं आहे. मात्र काही सामन्यांमध्ये खेळाडू आऊट झाल्यावरही डीआरएसचा वापर करताना दिसले आहेत. मात्र अशातच एक व्हिडीओ व्हायरल झाला आहे ज्यामध्ये कर्णधाराने घेतलेला डीआरएसवरून त्याला ट्रोल करण्यात येत आहे. इतकंच नाहीतर हा क्रिकेटच्या इतिहासातील सर्वात वाईट डीआरएस म्हटला जात आहे.

नेमकं काय झालं?

बांगलादेश आणि इंग्लंड यांच्यामध्ये तीन एकदिवसीय सामन्यांची मालिका सुरु आहे. या मालिकेतील दुसरा सामना शेर बांगला स्टेडिअमवर सुरू होता. सामन्याच्या 48 ओव्हरमध्ये तस्किन अहमदने एक शानदार यॉर्कर टाकला, ज्यावर स्ट्राईकला असलेल्या आदिल रशीदला मोठा फटका मारता आला नाही. बॉल बॅटच्या मधोमध लागला होता आणि पॅडच्या जवळही गेला नव्हता. तरीही बांगलादेशी संघाचा कर्णधार तमीम इक्बालने लगेच रिव्ह्यू घेण्याचा निर्णय घेतला.

डीआरएसचा घेतल्यावर स्पष्टपणे दिसत आहे की बॉल बॅटला लागला होता. कुठेही शंका येण्याचं कोणताही अँगल नव्हता ना कारण होतं. जेणेकरून रिव्ह्यू घेण्याची गरज होती. तिसऱ्या पंचांनी त्यांचा निर्णय कायम ठेवला. यावरून आदिलही हसताना दिसला. त्यानंतर बांगलादेशच्या कर्णधाराला नेटकऱ्यांनी सोशल मीडियावर खूप ट्रोल केलं आहे.

दरम्यान, या सामन्याबद्दल बोलायचे झालं तर प्रथम फलंदाजी करताना इंग्लंड संघाने 50 षटकात 7 गडी गमावून 326 धावा केल्या. यादरम्यान जेसन रॉयने 124 चेंडूत 132 धावा केल्या. कर्णधार जॉस बटलरनेही धडाकेबाज खेळी केली. यामध्ये त्याने 64 चेंडूत 76 धावा केल्या. तर मोईन अली 35 चेंडूत 42 धावा करून बाद झाला. सॅम करननेही 19 चेंडूत 33 धावांची खेळी खेळली.