IND vs AFG : विराट कोहली OUT मग प्लेइंग इलेव्हनमध्ये त्याच्या जागी पहिल्या चेंडूपासून धोपटणाऱ्या खेळाडूसाठी टीमचे दरवाजे उघडतील

अफगाणिस्तान विरूद्धच्या वनडे सीरीजमध्ये विराट कोहली खेळणार नाहीय. विराट कोहलीला हॅमस्ट्रिंगची दुखापत झाली आहे. त्यामुळे तो 13 जून पासून सुरु होणाऱ्या वनडे सीरीजमध्ये खेळणार नाही. आता विराट नाही खेळणार, मग त्याच्याजागी कोण? हा प्रश्न निर्माण होतो. प्लेइंग इलेव्हनमध्ये विराटच्या जागी कोणाचा समावेश होईल?. अफगाणिस्तान विरूद्धच्या वनडे सीरीजमध्ये विराट कोहली बाहेर गेल्यानंतर त्याच्या जागी इशान किशनचा प्लेइंग इलेव्हनमध्ये समावेश निश्चित आहे. इशान किशनला विकटकिपर फलंदाज म्हणून अफगाणिस्तान विरूद्धच्या वनडे सीरीजसाठी टीममध्ये निवडलं होतं. विराट कोहलीने यंदाच्या आयपीएल सीजनमध्ये दमदार कामगिरी केली होती. फायनलमध्ये त्याच्या फलंदाजीमुळे रॉयल चॅलेंजर्स बंगळुरुला दुसऱ्यांदा ट्रॉफीवर नाव कोरता आलं.

अफगाणिस्तान विरूद्धच्या वनडे सीरीजमध्ये टीम इंडियाची प्लेइंग इलेव्हन जवळपास क्लियर आहे. शुबमन गिल, रोहित शर्मा ओपनिंगला येतील. त्यानंतर विराट कोहली इनिंग सांभाळणार होता. विराट कोहलीच्या उपस्थितीत इशान किशनला प्लेइंग इलेव्हनमध्ये संधीची शक्यता दिसत नव्हती. पण आता विराट बाहेर गेलाय. मग त्याच्या जागी इशान किशनसाठी वनडेचे दरवाजे उघडले जातील अशी स्थिती आहे.

चौथ्या-पाचव्या नंबरवर कोण येणार?

प्लेइंग इलेव्हनमध्ये श्रेयस अय्यर चौथ्या नंबरवर बॅटिंगला येऊ शकतो. तो टीमचा उपकर्णधार सुद्धा आहे. पाचव्या नंबरवर केएल राहुल फलंदाजीला येईल. भारतीय वनडे टीमची पहिली पसंती विकेटकिपर फलंदाजाला आहे. सहाव्या नंबरवर ऑलराऊंडर हार्दिक पंड्या आहे. सातव्या नंबरवर वॉशिंग्टन सुंदर खेळताना दिसू शकतो.

गुरनूर ब्रार डेब्यु करणार का?

प्लेइंग इलेव्हनमध्ये स्पेशलिस्ट स्पिनर म्हणून कुलदीप यादवला संधी मिळू शकते. त्या शिवाय अर्शदीप सिंह, प्रसिद्ध कृष्णा आणि गुरनूर ब्रार असे टीममध्ये तीन वेगवान गोलंदाज असतील. गुरनूर ब्रार अफगाणिस्तान विरुद्ध वनडे डेब्यु करु शकतो.

टीम इंडियाची संभाव्य प्लेइंग इलेव्हन

शुभमन गिल, रोहित शर्मा, ईशान किशन, श्रेयस अय्यर, केएल राहुल, हार्दिक पंड्या, वॉशिंगटन सुंदर, कुलदीप यादव, अर्शदीप सिंह, प्रसिद्ध कृष्णा, गुरनूर ब्रार