IND vs NZ मॅचमध्ये हाय-व्होल्टेज ड्रामा, श्रेयस अय्यरचा पारा चढला, भर मैदानात नवख्या बॉलरची इज्जत काढली, Video Viral

IND vs NZ 3rd T20 Match: भारतीय संघाने मंगळवारी वेलिंग्टन येथे न्यूझीलंडविरुद्ध शानदार कामगिरी करत सामना जिंकला. मात्र, सामन्यादरम्यान घडलेल्या एका घटनेने सर्वांचे लक्ष वेधून घेतले. युवा वेगवान गोलंदाज प्रिन्स यादवच्या एका चुकीनंतर भारतीय कर्णधार श्रेयस अय्यर आणि स्टार अष्टपैलू अक्षर पटेल संतापले. दोन्ही खेळाडूंचा राग मैदानावर स्पष्टपणे दिसत होता. या घटनेचा व्हिडिओ सोशल मीडियावर वेगाने व्हायरल होत आहे.

हाय-व्होल्टेज ड्रामा न्यूझीलंडच्या डावाच्या शेवटच्या षटकात घडला. भारतीय संघाला विरोधी फलंदाज जोश जेकब्सला धावबाद करण्याची चांगली संधी मिळाली होती. प्रिन्स यादव शेवटचे षटक टाकत होता. षटकाच्या पहिल्याच चेंडूवर फलंदाजाने लाँग ऑफच्या दिशेने फटका मारला आणि दोन धावा काढण्यासाठी वेगाने धावला. क्षेत्ररक्षण करताना अक्षर पटेलनेही चपळाई दाखवत चेंडू पटकन उचलून यष्टींच्या दिशेने फेकला.

या क्षणी, चेंडू योग्य ठिकाणी पडताच फलंदाजाला धावबाद करण्याची भारतीय खेळाडूंना आशा होती. पण प्रिन्स यादवने हा महत्त्वाची संधी गमावली. चेंडू पकडण्यासाठी किंवा यष्टींपर्यंत वेळेवर पोहोचण्यात प्रिन्स यादव अपयशी ठरला. त्याच्या या चुकीमुळे भारतीय संघाला एक सोपी रन-आऊटची संधी गमवावी लागली.

रन-आऊटची संधी हुकल्यानंतर कर्णधार श्रेयस अय्यरचा राग स्पष्टपणे दिसत होता. तो प्रिन्स यादववर नाराजी व्यक्त करताना दिसला. दरम्यान, अक्षर पटेलसुद्धा या प्रयत्नावर नाराज दिसला. त्याने चेंडू वेगाने यष्टींच्या दिशेने फेकला, पण प्रिन्स वेळेवर योग्य ठिकाणी पोहोचू न शकल्याने त्याचा प्रयत्न अयशस्वी ठरला. अक्षरसुद्धा या तरुण गोलंदाजावर नाराज दिसला.

मैदानावरील दोन्ही वरिष्ठ खेळाडूंच्या प्रतिक्रिया कॅमेऱ्यात कैद झाल्या. हा क्षण सोशल मीडियावर लगेचच चर्चेचा विषय बनला. अशा महत्त्वाच्या क्षणी खेळाडूंनी अधिक सतर्क राहण्याची गरज असल्याचे चाहते सांगत आहेत. या सामन्यातील विजयामुळे भारतीय संघाने मालिकेत ३-० अशी अभेद्य आघाडी घेतली आहे, परंतु शेवटच्या षटकातील ही घटना चर्चेचा विषय बनली.