माईक टायसन बॉक्सिंग रिंगमध्ये परतणार; कमबॅकसाठी 42 किलो वजन घटवलं
माजी हेवीवेट बॉक्सर माईक टायसन (Mike Tyson) 15 वर्षांनंतर बॉक्सिंग रिंगमध्ये परतणार आहे. कमबॅकसाठी त्याने तब्बल 42 किलो वजन घटवलं आहे.
- माजी हेवीवेट बॉक्सर माईक टायसन (Mike Tyson) 15 वर्षांनंतर बॉक्सिंग रिंगमध्ये परतणार आहे. कमबॅकसाठी त्याने तब्बल 42 किलो वजन घटवलं आहे.
- बॉक्सिंग रिंगमध्ये पुन्हा एकदा उतरण्यासाठी टायसन पूर्णपणे फिट झाला आहे, त्यामुळे नुकत्याच एका टीव्ही शोदरम्यान त्याच्या फिटनेसबाबत सवाल उपस्थित केल्यानंतर टायसनने लगेचच शर्ट काढून त्याची फिट बॉडी दाखवली.
- अमेरिकेतील एका टीव्ही शोदरम्यान त्या कार्यक्रमाचा होस्ट टीजे होलम्स टायसनला म्हणाला की, वजन घटवल्यानंतर तू भारी दिसतोयस, त्यानंतर टायसनने लाईव्ह शोदरम्यान थेट शर्ट काढून बॉ़डी दाखवू लागला. याबाबत टायसनच्या चाहत्यांनी सोशल मीडियावर मजेशीर प्रतिक्रिया शेअर केल्या आहेत.
- कार्यक्रमादरम्यान टायसन म्हणाला की, तुम्ही अजून काहीच पाहिलेलं नाही. मला आता माझी बॉडी दाखवावीच लागेल. तुम्हाला दाखवावं लागेल की मी अजूनही हँडसम आहे.
- टायसनने यावेळी फिटनेस टिप्स देताना सांगितले की, मी आता पूर्णपणे शाकाहारी (vegan) झालो आहे. माझ्या पत्नीच्या सल्ल्यानुसार मी दररोज दोन तास ट्रेडमिलवर धावतो, त्यानंतर मी माझी बॉक्सिंग ट्रेनिंग सुरु करतो.