T20 WC 2026 : पाकिस्तानसोबत असताना फुटकं नशीब, पण टीम इंडिया जॉइंन करताच या माणसाचं नशीब पालटलं, थेट 3 ICC ट्रॉफी नावावर
T20 World Cup 2026 : तुम्ही चांगल्या लोकांसोबत असता, तेव्हा तुमचही चांगलं होतं असं म्हणतात. टीम इंडियातील एका व्यक्तीला याचा अनुभव येत आहे. कारण याआधी पाकिस्तानसोबत असताना निराशा, हताशा याशिवाय काहीच हाती आलं नाही. कोण आहे ती व्यक्ती जाणून घ्या.
टीम इंडियाने रविवारी तिसऱ्यांदा टी20 वर्ल्ड कप जिंकला. फायनलमध्ये न्यूझीलंडवर 96 धावांनी एकतर्फी विजय मिळवला. टीम इंडियाच्या या विजयाचं पहिलं श्रेय हे खेळाडूंना जातं. पण त्याचसोबत या खेळाडूंवर मेहनत करणाऱ्या सपोर्ट स्टाफला सुद्धा विजयाचं श्रेय आहे. या सपोर्ट स्टाफमध्ये एक असा सदस्य आहे, जो आधी पाकिस्तानच्या क्रिकेट टीमला प्रशिक्षण देत होता. पण त्याचा काही फायदा झाला नाही. त्याच्या नावावर कुठल्याही यशाची नोंद झाली नाही. पण टीम इंडिया जॉइंन करताच त्याचं नशीब पालटलं. वर्षभराच्या आत त्याच्या नावावर दोन आयसीसी ट्रॉफीज आहेत. हा सदस्य आहे दक्षिण आफ्रिकेचा माजी क्रिकेटपटू आणि भारताचा गोलंदाजी कोच मोर्ने मोर्कल. टीम इंडियाचं गोलंदाजी कोच बनणं त्याच्या करिअरमधील एक मोठी उपलब्धी ठरली आहे.
टी20 वर्ल्ड कप 2024 संपल्यानंतर ऑगस्ट 2024 मध्ये मोर्ने मोर्कल टीम इंडियाचे गोलंदाजी कोच बनले. हेड कोच गौतम गंभीर यांनीच त्यांच्या नावाची शिफारस केली होती. गौतम गंभीरला आयपीएलमध्ये लखनऊ सुपर जायंट्स आणि SA 20 सुपर जायंट्समध्ये त्यांच्या सोबत काम करण्याचा अनुभव होता. मोर्कल गोलंदाजी कोच बनल्यापासून टीम इंडियाने टेस्टमध्ये इतकी खास कामगिरी केली नसेल, पण मर्यादीत षटकाच्या क्रिकेटमध्ये सर्वोत्तम प्रदर्शन करत तीन ट्रॉफीज जिंकल्या आहेत. मोर्कल यांच्या मार्गदर्शनाखाली टीम इंडियाने आधी फेब्रुवारी-मार्च 2025 मध्ये खेळल्या गेलेल्या चॅम्पियन्स ट्रॉफीचा किताब जिंकला. त्यानंतर 2025 मध्ये आशिया कप जिंकला आणि आता टी20 वर्ल्ड कप. टीम इंडिया जॉइंन करताच मोर्ने मोर्कल यांचे दिवस पालटले आहेत.
त्यांच्या मार्गदर्शनाखाली पाकिस्तानचं प्रदर्शन कसं होतं?
चॅम्पियन्स ट्रॉफी 2025, आशिया कप 2025 आणि टी20 वर्ल्ड कप 2026. तीन वर्षापेक्षा कमी काळात गोलंदाजी कोच म्हणून मोर्ने मोर्कल यांनी हे यश कमावलय. दक्षिण आफ्रिकेच्या क्रिकेट टीमने अजूनपर्यंत एकही वर्ल्ड कप जिंकलेला नाही. पण मोर्कल यांच्या क्रिकेटिंग करिअरमधील ही मोठी उपलब्धी आहे. भविष्यात त्यांना याचा फायदा होईल. भारताला कोचिंग देण्याआधी ते पाकिस्तानचे सुद्धा कोच होते. सहामहिन्यापेक्षा कमी काळासाठी त्यांनी पाकिस्तान टीमला कोचिंग दिलं.
जून 2023 मध्ये 6 महिन्यासाठी त्यांना पाकिस्तान क्रिकेट बोर्डाने गोलंदाजी कोच म्हणून नियुक्त केलं होतं. 6 महिने काय, 6 आठवड्यातच त्यांनी राजीनामा दिलेला. मोर्कल पाकिस्तानी टीमचे गोलंदाजी कोच असताना पाकिस्तान टीम 2023 चा आशिया कप खेळली. पण पाकिस्तानी टीम फायनलमध्ये प्रवेश करु शकली नाही.
